بو گون ایسه شوشانین یئنی تاریخی باشلاییر. من ۲۰۲۰-جی ایل نویابرین ۸-ده خالقا مراجعتیمده دئمیشدیم کی، بیز شوشانی دیرچلدجییک. باخ، بو گون بیز دیرچلدیله‌ن شوشانی گؤروروک.

Axar.az خبر وئریر کی، بو سؤزلری آذربایجان رسپوبلیکاسینین پرزیدنتی ایلهام علیئو شوشایا قاییدان ایلک ساکنلره منزللرینین آچارلارینین تقدیم ائدیلمه‌سی مراسمینده چیخیشی زمانی دئییب.

پرزیدنت بیلدیریب کی، تکجه بو گؤزل بنالار دئییل، شوشادا چوخ گئنیش‌مقیاسلی قوروجولوق ایشلری گئدیر:

"بو گون اولو اؤندرین دوغوم گونونده اوچونجو یاشاییش کمپلکسینین تملی قویولدو. کئچه‌ن ایل مایین ۱۰-دا ایکینجی یاشاییش کمپلکسینین تملی قویولموش‌دور. بو بیرینجی یاشاییش کمپلکسینده ۴۵۰، ایکینجیده ۳۰۰-ا یاخین، اوچونجوده ایسه ۵۰۰-ا یاخین منزل انشا ائدیله‌جک. اونون بیر حصه‌سی آرتیق حاضردیر. بو گون سیز بو منزللره کؤچجکسینیز. بوتون ائولر گؤزل معمارلیق اسلوبوندا - شوشانین عنعنه‌وی اسلوبوندا انشا ائدیلمیشدیر. شرایط چوخ گؤزلدیر و امینه‌م کی، اوزون فاصله‌دن سونرا شوشالیلار بورادا راحت یاشایاجاقلار، یاراداجاقلار، قوراجاقلار، اؤز دوغما شهرینین تاریخی سیماسینی قورویاجاقلار".