آنا صحیفه گوندم |
واشینگتندا دوشونورلر کی، سانکسییالارلا، ارمنی قطعنامهلری ایله تورکییهنی سؤزباخان ائدجکلر، لاکین تام عکسی باش وئریر.
آخار. آز خبر وئریر کی، بونو آنالیتیک ائلخان شاهینوغلو قید ائدیب. او، تورکییه پرزیدنتی رجب طیب اردوغان آمریکانین «ارمنی سویقیریمی» قطعنامهسینین قبولو ائتمهسی ایله باغلی چیخیشینداکی ایکی واجیب مقاما دقت چکیب:
«بیرینجیسی، اردوغان واشینگتنا مئساژ گؤندریب کی، بو گئدیشله آمریکانین اینجیرلیکدهکی حربی بازاسینی قاپادا بیلر. ایکینجیسی، «ارمنی سویقیریمی» قطعنامهسینین قبولونا قارشیلیق اولاراق تورکییه پارلامنتی ده آمریکادا هیندولارا قارشی حیاتا کئچیریلهن سویقیریمی تانییا بیلر.
آمریکا تورکییهنی سرعتله ایتیریر. آمریکاداکی سیاسی مرکزلر حساب ائدیرلر کی، تورکییه سویوق محاربه ایللرینده اولدوغو کیمی، واشینگتندان گلن بوتون تعلیماتلاری قید-شرطسیز یئرینه یئتیرمهلی، اؤز ماراقلارینی یوخ، بیرینجی نؤوبهده آمئریکانین ماراقلارینی نظره آلمالیدیر. سویوق محاربه ۲۸ ایلدیر بیتیب، اس اس ار ای یوخدور. بئلهجه تورکییهنین آمریکانین حیمایهدارلیغینا احتیاجی قالماییب. تورکییه بؤلگهده اؤز ماراقلاری اولان رئگیونال اویونچویا چئوریلیب. آمریکادا بونو آنلاماق ایستمیرلر. واشینگتندا دوشونورلر کی، سانکسییالارلا، «ارمنی قطعنامهلری» ایله تورکییهنی سؤزباخان ائدجکلر، تام عکسی باش وئریر».
شاهینوغلونون سؤزلرینه گؤره، اینجیرلیکدهکی حربی بازانین آمریکانین اوزونه باغلانماسی آسان مسئله اولماسا دا، گئدیشات آنکارایا آلتئرناتیو یول قویماییب:
«اینجیرلیک حربی بازاسینین باغلانماسی ایله تورکییه-آمریکا ایستراتژی طرفداشلیغی اوزریندن خط چکیلمیش اولاجاق».
قید ائدک کی، اردوغان آچیقلاماسیندا اینجیرلیک حربی بازاسینی آمریکانین اوزونه باغلایا بیلهجکلرینی، همچینین، آمریکانین هیندولارا قارشی حیاتا کئچیردیی ائتنیک تجاوزو سویقیریم کیمی تانییا بیلهجکلرینی سؤیلمیشدی.
تاریخ
2019.12.16 / 11:52
|
مولف
Axar.az
|