ایران درون ایستحصالی اوزره دونیادا بئشینجی-آلتینجی یئرده‌دیر. ایکینجی قاراباغ محاربه‌سی ایسه درون-کامیکادز‌ه‌لرین نه قدر اهمیت‌لی اولدوغونو گؤستردی. روسییا اوردوسوندا بو جور تکنولوگییا ایله باغلی پروبلملر وار.

بو سؤزلری Axar.az-آ تانینمیش روسییالی شرحچی سرگئی مارکوو دئییب.

او، بو ساحه‌ده بوشلوقلار سببین‌دن روسییانین ایران تکنولوگییاسی ایله حاضرلانان درون-کامیکادزه‌لر ایسحصال ائده بیلمه احتیمالینین ممکن اولدوغونو بیلدیریب:

«اما بو باره‌ده اطرافلی معلومات وئریلمیر. درونلارین هانسی شهرده ایستحصال اولوناجاغی ایسه دؤلت سیریدیر. همچینین، اوکراینا طرفینین یایدیغی بوتون معلوماتلارا تام اعتبار ائتمک اولماز. اونلار چالیشیر کی، غرب ایرانا تضییق گؤسترسین».

قید ائدک کی، اؤتن گون اوکراینا ملی تهلوکه‌سیزلیک و مدافعه شوراسینین کاتیبی آلکسی دانیلوو روسییا اوردوسونون اوکراینادا فعال شکیل‌ده ایستیفاده ائتدیی ایرانین کامیکادزه پیلوت‌سوز طیاره‌لرینین ایستحصالینا باشلاماغی پلانلاشدیردیغینی دئییب. کشفیات معلوماتلارین‌دا بو شهرین تولیاتتی اولدوغو بیلدیریلیر.