آذربایجانین شمالی آرتیق بیزیم - گونئی آذربایجان‌لیلارین سسی اولوب و حاقلی سسیمیزی دونیایا تانیتماقدا بیزه دستک اولور. بو، بیزیم تک اولمادیغیمیزی گؤستریر.

بو فیکیرلری Axar.az-آ گونئی آذربایجان‌لی فعال کورشاد آغدره‌لی ایران‌دا یاشایان ائتنیک میللتلرین بیاناتلاری ایله باغلی دانیشارکن دئییب.

او، غیری فارس خالقلارین آسیمیلیاسییا سیاستینه معروض قالدیغینا دقت چکیب:

«سون یوز ایلده ایران‌دا فارس مرکزلی سیستم مؤوجود اولوب. ائتنیک میللتلرین بوتون اقتصادی-سیاسی، مدنی حقوقلاری دایم تاپدانیب. ایللرله غیری فارس خالقلار آسیمیلیاسییا سیاستینه معروض قالیب. ایستر عربلر، ایستر قاشقای تورکلری، ایستر لر، بلوچ و دیگرلری اولسون - هامی‌سینین حاقلاری پوزولور. خالقلار آرتیق بئزیب. اونلاری سوسدورماق اوچون ایسه اعتراضا قالخان گنجلری اعدام ائدیرلر. شاه رژیمین‌ده اولدوغو کیمی، بو حاکمیت ده گئری آددیم آتمیر، غیری-فارسلارا قارشی آیری-سئچکی‌لیک گؤسترمه‌یه داوام ائدیر. ایران‌دا یاشایان خالقلارین اساس ایستیی آزاد یاشاماق‌دیر. اونلار اؤز دؤولتلرینین قورولماسینا چابا گؤستریر، داها آلدانماق ایستمیرلر. چونکی شاه دؤنه‌مین‌ده ده غیری-فارسلارا قارشی ارتجاع دوشونجه حکم سوروردو. یئرینه گلن مولا رژیمی اول وعدلر وئره‌رک اؤزونو یاخشی گؤستردی. سونرادان وضعیت دییشدی».

او بیلدیریب کی، حاضردا ایران‌دا بعضی قوه‌لر ائتنیک خالقلارین اعتبارین‌دان ایستیفاده ائدیر، اونلاری بیرلییه سسلییر:

«بعضی قوه‌لر ملا رژیمینین دئوریلمه‌سینده بو خالقلارین گوجوندن ایستیفاده ائتمک ایستییر. لاکین بو بیاناتلار و سون زامان آرتان فعال‌لیق اونو دئمه‌یه اساس وئریر کی، ائتنیک میللتلر آرتیق تشکیلاتلانیر.

بیز ده گونئی آذربایجان فعاللاری اولاراق دؤولتیمیزین قورولماسین‌دان یاناییق. گونئی آذربایجان‌دا اساس چاتیشمایان جهت تشکیلاتلانمادیر. بو پروبلم حلینی تاپدیقدان سونرا اینانیرام کی، دؤولتیمیزی قوراجاغیق. اومید ائدیریک کی، بو صولح یولو ایله حل اولاجاق. غیری-فارس میللتلر آلدادیلماقدان، رژیمین دئوریلمه‌سیندن سونرا فارسلاشدیرما سیاستی آپاران یئنی حاکمیتین قورولماسین‌دان احتیاط ائدیرلر».

آذربایجان مرکزی پارتییاسینین عضوو ائلیار کامرانی ایسه بیلدیریب کی، غیری-فارسلارین دفعه‌لرله یایدیغی بیانات دونیانین دقتینی ایرانا چکمک مقصدی داشیییر:

«بو معنادا اولکی بیاناتلار اؤز بهره‌سینی وئریب. ۸ پارتییانین بیرگه امزالادیغی بیانات‌دا «ایرانین قددار و جینایتکار رفتارینی قیناییریق و «دور» دئمه‌سینی ایستییریک! ایران دؤولتی ۲۰-یه یاخین گنجی اعدام ائتمک ایستییر. دونیانین آزاد اؤلکه‌لری، بلکه بیزیم سسیمیزی ائشیده، ایران داها یئنی جینایتلره ال آتمایا»، - دئییلیر. اعتراضلاردا توتولانلار وکیلله تعمین اولونمور. راحت شکیلده اعدام و اؤلوم حکمو وئریلیر. لاکین اونلارین قاتیللری جزاسیز قالیر. بو بیاناتلا بیز دونیانین دقتینه ایران‌دا باش وئره‌نلری چات‌دیرماق ایستییریک. بو ۴ آیلیق اعتراضلارا اؤلکه‌ده یاشایان بیر سیرا میللتلر قوشولوب. ایران‌دا بعضی مرکزچی قروپلار و توتالیتار دوشونجه‌یه مالیک اینسانلار وار کی، اونلارین دا اؤز مقصدی وار. مئدیا ایمکانلاریندان بهره‌لنه‌رک، اؤزلرینی بو مباریزه‌نین ایچین‌ده وارمیش کیمی آپاریرلار. بو بیاناتلا اونلارین چیرکین اویونلارینا دقت چکمک ایستمیشیک».

خاطیرلاداق کی، ایران‌دا غیری-فارس میللتلر نؤوبتی دفعه بیرگه بیانات یایاراق حقوقلارینین تانینماسینین واجیبلیینی وورغولاییبلار.