نیه گؤره باکی قاراباغلا دانیشیقلار آپارمالیدیر؟ ده ژوره بو آذربایجان اراضی‌سی‌دیر. باکینین دانیشیقلار آپارماغینا گرک یوخدور، او، امر وئرمه‌لیدیر. خانکندیده‌کی حاضیرکی ارمنی «رهبر»لر باکییا تابع اولمالیدیرلار. آذربایجان اونا فورمال اولاراق تابع اولان اینسانلارلا ایسته‌نیلن صحبتی، ساده‌جه، امر قایداسین‌دا آپارمالیدیر.

Axar.az خبر وئریر کی، بو سؤزلری Oxu.az-آ آچیقلاماسین‌دا «پولیتروس» اینفورماسییا-آنالیتیک پورتالینین رهبری، پولیتولوق ویتالی آرکوو دئییب.

روسییالی اکسپرت قاراباغا اعزام اولونموش میلیاردر روبن واردانیانین باکی ایله «پاریتت اساس‌دا» دانیشیقلارا حاضر اولدوغونا دایر بیاناتینی ایسه بئله شرح ائدیب:

«بو، تمامیله آبسوردور. ده‌فاکتو و بو آشکار فاکتدیر کی، قاراباغین بیر حیصه‌سی ارمنیستانین نظارتینده‌دیر، آخی او، بو قورومو مالیه‌لشدیریر. لاکین ده ژوره بو، آذربایجان اراضی‌سی‌دیر. اونا گؤره ده باکی ارمنیستانلا دانیشیقلار آپاریر، لاکین بو دانیشیقلار هئچ بیر حال‌دا خانکندی ایله آپاریلمیر. روبئن واردانیان دا دیگر شرطی «لیدر» و «پرزیدنت»لر کیمی باکی اوچون هئچ کیمدیر. بوتون بو آداملار آذربایجانین راضیلیغی اولمادان اورادا پیدا اولوبلار. باکی یاخشی بیلیر کی، حاضردا اکثریتینین ارمنی اصیل‌لی شخصلر اولدوغو بو زونادا یئرلی رهبرلیک ارمنیلردن عبارت اولاجاق. اما آخی سیز بو تعیناتی آذربایجانلا راضیلاشدیرماق ایستیقامتینده فعالیته باشلامالیسینیز. بو زامان آرتیق دانیشیق آپارماغا دا کیمسه اولاجاق. اما بو باش وئرمیر».

ویتالی آرکووون ارمنیستانین هر ایل اؤز بودجه‌سیندن قاراباغداکی ارمنی سپارات‌چیلارا رسمی اولاراق ۴۰۰ میلیون دولارا یاخین وسایت آییریلماسینا دا مناسیبت بیلدیریب:

«هله بو پوللارین نه قدری ایروان‌دا اوغورلانیر (گولور - رئد.). عینی زامان‌دا، ارمنیستان اؤزو ده قاراباغی «مستقیل دولت» کیمی تانیماییب. پاشینیان تئز-تئز دئییر کی، قاراباغ آذربایجان اراضی‌سیدیر. اما عینی زامان‌دا ارمنیستان حاکمیتی و مخالیفتی «آرتساخ»دان دانیشیر (قوندارما رژیمه قویولان آد - رئد.). اونلارین هامی‌سی اؤزلرینه ضد حرکت ائدیر. ارمنیستانین سیاستینین اساس فرقلندیریجی خصوصیتی، خصوصیله پاشینیان دؤورونده، یالان اولدو. پاشینیان ایلهام علیئو و ولادیمیر پوتینله گؤروشده بیر شیی دئییر، بروکسل‌ده - فرق‌لی بیر مسئله‌نی، ایروان‌دا ایسه تام باشقا بیر شئیی دئییر. او، اؤزو اؤزونو اینکار ائدیر و اونون نه زامان حقیقتی دانیشدیغینی باشا دوشمک چتیندیر. بوتون بو آچیقلامالار بؤیوک بیر اویون‌دور. اونلار روسییانی مناقیشه‌یه سوروکله‌مک و یا اونو گناهکار چیخارماغا چالیشیرلار. ارمنیستان باش ناظرینین صولحمرام‌لیلار قیسمین‌ده باشقا اؤلکه‌لرین - فرانسانین و سایر دولتلرین نماینده‌لرینین دعوت ائدیلمه‌لی اولدوغو باره‌ده بیاناتینی خاطرلایین. باکی بونو درحال رد ائتدی. بو اونو دئمه‌یه اساس وئریر کی، صولح پروسسی (ارمنیستان طرفین‌دن - رئد.) اوزادیلیر. ارمنیستانین ایندیکی رهبرلیینه آذربایجانلا صولح لازیم دئییل، رسمی ایروان وضعیتی گرگینلشدیریر».