باکییا آذربایجانین تئهران‌داکی سفیرلیین‌ده باش وئرمیش تئررور آکتی نین «هرطرف‌لی آراشدیریلاجاغینی» وعد ائد‌ن ایران حاکمیتی بونا ساختا معلومات یایماقلا باشلادی. دیپلوماتیک میسیسییایا هوجومدان سونراکی ایلک ساعاتدا تئهران پولیسی باسقی نین «شخصی و عائلوی» موتیولری اساسیندا ائدیلدیینی و تئررورچو ایله بیرلیکده اورادا ایکی آزیاشلی اوشاغین اولدوغو باره‌ده بیانات یایدی. ادعالارا گؤره، او، سفیرلییه آروادینی تاپماق اوچون گلیب. تئهران پولیسی نین یالانلاری ویدئو-گؤرونتولرله درحال ایفشا اولوندو. سفیرلیک‌ده‌کی و اونون قارشی‌سینداکی مشاهیده کامئرالاری ایرانین یالانینی ایفشا ائتدی.

Axar.az خبر وئریر کی، بونو روسییالی آنالیتیک آندرئی پئتروو دئییب.

«سفیرلیین داخیلینده تئررور آکتینی لئنته آلان ان دهشتلی کادرلاردا یاراقلی نین بینایا تک گیردیی آیدین گؤرونور. اونون جینایت یئرینه گلن گؤرونتولرده تئررورچونون آوتوموبیلی گؤرونور، اورادا سرنیشین یوخدور. یعنی تئررور آکتینی تؤره‌دن شخص اوولدن تک باشینا حرکت ائدیب، یانیندا اوشاق اولماییب. ایران حاکمیتینه تئررور آکتی ایله باغلی باکییا و بوتون دونیایا یالان دانیشماق نیه لازیم ایدی؟

یاراقلی نین دیندیریلمه‌سی زامانی داها بیر یالان معلومات یاییلیر. گویا اؤت‌ن ایلین یازین‌دان اونون آروادی آذربایجان سفیرلیین‌ده اولوب، او دا بو باره‌ده آذربایجان دیپلوماتلارینا موته‌مادی مراجعت ائدیب، لاکین جاواب آلماییب. اونا گؤره ده قاتیل «کالاشنیکوو» آوتوماتین‌دان ایستیفاده ائتمکله آروادینی تاپماق قرارینا گلیب. بو نه دئمک‌دیر؟ طبیعی کی، ایران پولیسی آوتوموبیلده و یا یاخین‌لیقدا اوشاق اولمادیغینا دقت یئتیرمه‌یه بیلمزدی. بو دا اونلارین «پسیخی بالانسی اولمایان جینایتکار» وئرسییاسی نین آرتیق اعتبارلی اولمادیغینی گؤستریر. اوزینده باشقا وئرسییا گون‌ده‌مه گلیر: آذربایجانین تئهران‌داکی سفیرلیینه قارشی تؤره‌دیلن تئررور آکتی ایرانین بو و یا دیگر یوکسک دایره‌لی حاکمیت اورقانلاری نین ایشتیراکی ایله اولجه‌دن پلانلاشدیریلیب. یاراقلی اولجه‌دن حاضیرلانیب. بو یالانچی معلوماتلارلا دا تئررور تشکیلات‌چیلاری مسئولیتدن یایینماغا، هوجومون "شخصی و عائله" موتیولری اساسیندا اولدوغو گؤرونتوسونو یاراتماغا چالیشیبلار»، - او بیلدیریب.

آنالیتیک قئید ائدیب کی، حاضردا تئررورچو ایله تئهران پولیسی نین عینی کوماندادا اولدوغو آیدین‌دیر:

«تئررور آکتین‌دا داها کیمین الی اولدوغو و مؤوضولارین نه قدر اوزاندیغی تئهرانین وعد ائتدیی «هرطرفلی آراشدیرما» زامانی آیدینلاشدیریلمالی اولاجاق. ایران آراشدیرما ایشینه باشلاسا دا، چوخ گومان کی، حادثه‌نین اصل سببینی یالنیز آذربایجان خصوصی خیدمت اورقانلاری اوزه چیخاراجاق. بو باخیم‌دان، آذربایجان سفیرلیی نین تئهراندان تخلییه‌سی ایله باغلی قرار تعجبلو گؤرونمور. ایران حاکمیتی اونون تهلوکسیزلیینی تامین ائتمه‌ییب. کادرلاردان گؤرونور کی، دیپلوماتیک میسیسییایا گیریش تامامیله سربست‌دیر، اونون یانین‌دا یالنیز کیچیک بیر کؤشک وار. و اورادا اولان ایرانلی پولیس الین‌ده سلاح اولان جینایتکارین گیریشینه هئچ بیر رئاکسییا وئرمیر. آذربایجان دیپلوماتلارینین ایران‌دا دایم تهدید آلتیندا اولدوغو آیدین اولدوغو اوچون اونلارین باکییا قاییتماسی واجیب‌دیر».