گوناز تی.وی-نین رهبری، گونئی آذربایجان میللی آزادلیق حرکاتینین تانینمیش سیمالارین‌دان اولان احمد اوبالی گونئی آذربایجان‌دا دونن گئجه باش وئره‌ن زلزله‌دن سونرا یاشانان آجیناجاقلی وضعیت‌دن دانیشیب.

Axar.az معلوماتینا گؤره، احمد اوبالی بیلدیریب کی، خوی شهرینین یاخینلیغین‌دا هله ۱۰ گون اول باش وئرن گوجلو زلزله‌دن سونرا اونلارلا سویداشیمیز ائوسیز قالیب:

«اونلار بو گون ده کوچه‌لرده گئجلییر، منفی اون درجه شاختادا چادیرلاردا قالماغا مجبور اولورلار. عینی زامان‌دا، دونن گئجه باش وئرن زلزله‌دن سونرا دا ایران دولتینین دئدیینه گؤره، ۹۷۳ نفر یارالانیب، اؤلنلر وار. ۷۰ کندین ۸۰ فایزی داغیلیب. بوندان اؤنجکی ایستاتیستیکایا باخساق دئیه بیلریک کی، خسارت آلان و ایتکیلرله باغلی ایران دولتینین وئردیی رقملر ان آزی ۳ دفعه آزدیر. ایران دولتی بو گون ائوسیز قالانلارین اکثریتینه چادر دا وئرمه‌ییب...»

احمد اوبالی ایران دولتینین مسئله‌یه اولدوقجا اعتینادسیز یاناشدیغینی بیلدیره‌رک آذربایجان پرزیدنتی ایلهام علیئودن کؤمک ایسته‌ییب:

«ایران دولتی دوشمن کیمی بیزی دوندورماقلا مشغولدور. بیزه یوخ، ترورچولارا دستک اولور. شیماللی، جنوبلو هموطنلریمیزی ده زلزله‌ده ضرر گؤره‌ن سویداشلاریمیزا یاردیم ائتمه‌یه دعوت ائدیره‌م».

اونو دا قید ائدک کی، بو دقیقه‌لرده ایرانین خوی شهرین‌ده ۴،۵ بال گوجونده داها بیر زلزله اولوب. زلزله ناخچیوان‌دا دا حس ائدیلیب.