خوی‌دا ۲۸-۲۹ یانوار تاریخلرین‌ده آردیجیل ایکی داغیدیجی زلزله‌نین نتیجه‌لری حددن آرتیق آغیردیر: ۳ نفر اؤلوب، ۱۲۰۰-ا یاخین سویداشیمیز یارالانیب، مینلرله اینسانین ائوی داغیلیب.

بو سؤزلری Axar.az-آ آچیقلاماسین‌دا گونئی آذربایجانین تانینمیش اجتماعی خادیمی، گوناز تی.وی-نین رهبری احمد اوبالی دئییب.
او بیلدیریب کی، ایرانین ملا حاکمیتی زلزله‌دن ضرر چکه‌نلره هئچ بیر یاردیم ائتمیر:

«اینسانلارین یاردیم چاغیریشینا ایران ملاکراتییا رژیمی پلیسین سو شیرناغی ایله جواب وئریر. حاضردا سویداشلاریمیز سویوق، شاختالی هاوادا، قارین ایچینده گئجه‌له‌مه‌یه محکوم ائدیلیب، جدی ارزاق قیتلیغی چکیرلر. اونلارین شمالی آذربایجانین یاردیمینا، قارداش دستیینه احتیاجی وار.

آذربایجان پرزیدنتی ایلهام علیئودن خواهیش ائدیره‌م کی، سویداشلاریمیزا هومانیتار یاردیم اوچون گؤستریش وئرسین. بو هومانیتار یاردیمین ایرانلا آذربایجانین مناسیبتلرینه هئچ بیر عایدیاتی یوخدور. بو، دار گونده، کمکسیز قالان قارداشلارینیزا ال اوزاتماقدیر».

قید ائدک کی، خوی زلزله‌سیندن سونرا مینلرله سویداشیمیز چادیرسیز، آذوقه‌سیز قالیب و اونلار آغیر شرایط‌ده کوچه‌لرده گئجلییرلر. ایران حاکمیتی اؤزو یاردیم ائتمیر، تورک قیزیل آیپارا جمعیتینین یاردیم تکلیفینی ایسه رد ائدیب.