ارمنیستانین سرحدلریمیزه یاخین اراضیلره سلاح و سورسات یئرلشدیرمه‌سی پروسسی سون گونلر ده داوام ائدیر. یئرلشدیریلن سلاحلار آراسین‌دا هیندیستان‌دان آلدیغی آرتیلرییا قورغولاری دا اولا بیلر.

بو سؤزلری Axar.az-آ حربی اکسپرت عدالت وئردیئو ارمنیستان اوردوسونون سرحدیمیزه یاخین بؤلگه‌لره یئرلشدیردیی سلاح نولری و اونلارین تعیناتی حاقین‌دا دانیشارکه‌ن دئییب.

او بیلدیریب کی، سلاح-سورسات آراسین‌دا اوزاق منزیللی راکت سیستملری گؤزه دییب:

«گؤرونتولرده داها چوخ «سمرچ» رئاکتیو یایلیم آتشی سیستملرینی گؤردوک. بو سلاحلارین دقیق‌لییی بیر قدر شبهه‌لر دوغورسا دا، اؤلدوروجو گوجو موجوددور. افکتیولییی ایسه اونلاری تطبیق ائد‌ن هئیتین پئشکارلیغیندان آسیلیدیر. اوزاق منزیللی راکتلردیر. بو سلاحلاردان ارمنیلر داها چوخ ایکینجی قاراباغ ساواشیندا، هم ده گنجه و دیگر رایونلاریمیزین مولکی اهالی‌سینی آتشه توتماق اوچون ایستیفاده ائدیب. اگر همین سلاحلاری شرطی سرحدیمیزه یاخینلاشدیریبلارسا، دئمک، اونلاردان تکرار داها اوزاق مسافه‌ده یئرلشن آذربایجانین یاشاییش منطقه‌لرینه، اوبیکتلرینه و س. ضربه‌لر ائندیریله بیلر. بونو مطلق نظره آلمالیییق».

حربی اکسپرت قید ائدیب کی، ارمنیستان گرگینلییه نایل اولارسا، آذربایجانین پئشکار اوردوسو دوشمن اوردوسونون سلاح نولرینی ضررسیزلشدیرمک عزمین‌ده‌دیر

«دوشمنین سلاحلارینی ضررسیزلش‌دیرمک اوچون اونلارین آذربایجان اوردوسونون مؤقعلرینه یاخینلاشماسینی قاداغان ائد‌ن پرئوئنتیو ضربه‌لردن ایستیفاده ائتملیییک. یعنی سرحد بؤلگه‌سینه یاخینلاشان سلاحلارین آذربایجان اوردوسونون شخصی هئیتینه قارشی تطبیق مسافه‌سینی نظره آلمالی، بو مسافه‌نین تهلوکه‌لی بیر سوییه‌یه قدر یاخینلاشماسینا ایمکان وئرمملیییک. بیز ۴۴ گونلوک محاربه واختی کیفایت قدر دقیق ضربه‌لرله دوشمنه قارشی دؤیوشموشوک. نقطه آتیشلاری حیاتا کئچیره‌ن چوخ سایدا ایداره اولونان راکت و دیگر سلاح سیستملریمیز موجوددور. داها چوخ پوا-لار واسطه‌سی ایله دوشمنین زیرهلی واسطه‌لرینی، سیغیناجاق و آرتیلرییا قورغولارینی محو ائتمیشیک. بو ایستیقامتده بیزیم کیفایت قدر تجروبه‌میز وار. اودور کی، دوشونموره‌م، آذربایجان اوردوسونا قارشی ارمنیستانین مقاومت پوتنسیالی لازیمی سوییه‌یه چاتیب. اگر عملیاتلار باشلاسا، ایروان تخریباتلارینا داوام ائدرسه، اسکالاسییایا سبب اولارسا، او زامان ارمنیستان طرفی کئچن ایلین سنتیابریندا اولدوغو کیمی جدی شکیلده جزالاندیریلاجاق».