آنا صحیفه گوندم |
۱۴ آپرئل هجومونو دیرلندیرسک، ایران دولتینین بوش شعاردان عبارت اولدوغونو گلریک. عقلسیز بیر دولتدیر. بؤلگهنی و انسانلیغی هر زامان قانا چکه بیلر، آنجاق بو، ایرانین گوجلو اولدوغو معناسینا گلمیر.
بو سؤزلری Axar.az-آ گونئی آذربایجانین ب.ام.ت-دکی نمایندهسی، آذربایجان جمهوریت پارتییاسینین (آ.ج.پ) رسمیسی آراز یوردسئوهن ایرانین اسرائیله هجومونو شرح ائدرکهن دئییب.
او بیلدیریب کی، گونئیه عایید بیر چوخ قوروم و تشکیلاتلار، ائلجه ده تمثیل ائتدیی پارتییا بو هجومو گولونج حساب ائدیر:
«ایران مختلیف یوللار آختاریردی کی، هم دمشقدهکی سپاه بیناسینین وورولماسینا گؤره اسرائیله جواب وئرسین، هم ده جدی ساواشا گیرمهسین. نهایت، گولونج بیر هجوملا «انتقام»ینی آلدی. اسرائیله ۳۵۰ راکت و پوا آتسا دا، بو، ایرانی خلاص ائتمهدی، عکسینه گؤزدن سالدی. راکت و پوا-لارین ۹۹ فایزی ضررلشدیریلدی، اسرائیل یئرینه اؤز شهری شیرازی ووردو.
بو هجومدان سونرا ایران رسمیلری ساواش ایستمدیکلرینی آچیقجا دیله گتیردیلر. چونکی اؤز امکانلارینی و نیه قادیر اولدوقلارینی بیر داها آنلادیلار. اونلار سادهجه ترور گروپلاری واسطهسی ایله بؤلگهنی قاریشدیرماغی باجاریرلار».
قوروم رسمیسی هجومون آغیرلیغینین ساده ایران خالقینین اوزرینه چؤکجیینی بیلدیریب:
«ایران سون ایللرده چین و بعضی اؤلکهلردن راکت، پوا استحصالینی اؤیرنیب، انکشاف ائتدیرسه ده، حربی امکانلاری گئنیش دئییل. بیر گئجهلیک هجومون میلیاردلارلا وسایت ایتکیسی اولدو. خالق ده گؤزل آنلاییر کی، بونون اوزینی ملتدن چیخاجاقلار. دونیا دولتلرینین بو هجومدان سونرا تهران رژیمینه قویاجاغی سانکسییالارین اذیتینی ملت چکهجک. بیز آ.ج.پ اولاراق گونئی آذربایجان ملی حرکتی ایله بیرگه «گونئی آذربایجان ایران دئییل" شعاری آلتیندا ایرانین یاراتدیغی بوتون فساد، ترور، جنایت و حتی باش وئرهجک هر هانسی بیر ساواشدان گونئی آذربایجانی قوروماغا چالیشاجاغیق».
تاریخ
2024.04.16 / 10:23
|
مولف
ووساله ایسگندرووا
|