آنا صحیفه گوندم |
اصلینده چوخ شئی اولمادی. من تل-اویو یاخینلیغیندا ائوده تلویزورا باخیردیم و ایندی ده ائویمدهیهم. سونونجو راکتلرین و پوا-لارین وورولدوغونو ائشیتدیکدن سونرا ساکیتجه یاتاغا گئتدیم. عمومیتله، پانیکا یوخ ایدی. دمیر قوبه آویاسییا ایله بیرلیکده همیشهکی کیمی یاخشی ایشلییردی. او کی قالدی اسرائیلین جوابینا، بوردا لهینه و علیهینه اولان بیر نئچه آرگومنت وار.
Axar.az خبر وئریر کی، بونو «ناتیو» تهلوکهسیزلیک خدمتینین رهبری، کئچمیش اسرائیللی دیپلمات یاکوو کدمی روسییا مطبوعاتینا آچیقلاماسیندا بیلدیریب.
او، علیهینه اولان آرگومنتلر آراسیندا وضعیتی ساکیتلشدیرمک، وضعیتی گرگینلشدیرمهمکله باغلی اسرائیله قارشی چاغیریشلارین اولماسینی قید ائدیب:
«ایرانین هوجومونون دفع ائدیلمهسینده آمریکا، فرانسا، بریتانییا و ایوردانییا حربی هاوا قوهلری و قیسما ده دنیز قوهلری اشتراک ائدیب و بو اؤلکهلر ایندی اسرائیلین هئچ بیر جواب تدبیری گؤرمهمهسی و گرگینلیین یئنی مرحلهسینین باش وئرمهمهسی اوچون ایستکلرینی افاده ائدیرلر.
اسرائیل اوچون بئله بینالخالق دستک چوخ واجیبدیر و سیاسی باخیمدان اوندان امتنا ائتمک عقلسیزلیق اولاردی. اوستهلیک، (آپرئلین ۱۳-او) گئجه باش وئرهنلر گؤستردی کی، ایرانین اصلینده بیزه جدی زیان وورماق امکانی یوخدور. و بو، حزبوللاهلا باغلی علاوه و چوخ جدی آرگومنت اولا بیلر. اونلار دانیشیقلار پروسسینده گذشته گئده بیلر. ب.ام.ت-نین ۱۷۰۷ سایلی قطعنامهسی ایله معین ائدیلمیش مؤقعلردن گئری چکیلمهسینه شانس یاراناجاق. عینی نقطه نظردن، ایرانین هجومو، داها دوغروسو، هئچ بیر نتیجهنین اولماماسی حماس-ا دا تأثیر گؤستره بیلر. ایران راکتلرینین و پوا-لارینین وورولماسینا فعال کمک ائدن ایوردانییا کیمی دیگر عرب اؤلکهلری ایله علاقهلرین محکملهنمهسینه ده شانس یارانیر.
ایرانین بیزه وئردیی بهانهدن یارارلانماق و جواب ضربهلری ایله اؤز نووه پروگرامینی، نووه سلاحی استحصال اولونان بوتون موسسهلری محو ائتمک لازیمدیر. اصلینده، آنلامالیییق کی، هجوملا باغلی قراری دؤرد نفر وئریر: باش ناظر، مدافعه ناظری و دیگر ایکی ناظر (حربی کابینت). بو دؤرد نفردن اوچو کئچمیش باش قرارگاه رئیسیدیر. ایندی اؤز آرالاریندا نه راضیلاشیرلار، هانسی داورانیش تاکتیکاسینی سئچهجکلر، بیلمیرم و هئچ کیم بیلمیر. یالنیز زامان گؤسترهجک».
تهلوکهسیزلیک اوزره متخصص بو مناقیشهنین داها دا گئنیشلنجیی و بؤلگهده ایریمقیاسلی عملیاتلارا گتیریب چیخاراجاغی ایله باغلی فکیرلره ده مناسیبت بیلدیریب:
«بو، اوچونجو دونیا محاربهسینه سبب اولمایاجاق. گئجه باش وئرهنلر داها آچیق شکیلده گؤستردی کی، حربی و سیاسی باخیمدان هئچ کیم ایرانین طرفینی توتمایاجاق. اونو هئچ کیم دستکلهمهیهجک، حتی اؤزونون یاراتدیغی ایران یؤنلو ترور تشکیلاتلاری بئله. عکسینه، عرب اؤلکهلری راکت و پوا-لاری ووراراق ایرانین هجومونون قارشیسینی حربی یوللا آلماغا چالیشدیلار. بئلهلیکله، ایرانین بوتون اسلام دنیاسینی اسرائیلله دؤیوشمک اوچون قالدیراجاغی ایله باغلی فانتازییالار، منجه، تمامیله اساسسیز چیخدی».
تاریخ
2024.04.16 / 11:20
|
مولف
وصاله اسگندرووا
|