۲۴-۲۶ ایون ۲۰۲۴-جو ایل تاریخلرینده تهران شهرینده خزر دنیزی مسئلهلری اوزره یوکسک سویهلی ایشچی گروپونون سککیزینجی اجلاسی کئچیریلیب.
بو بارهده Axar.az-آ خاریجی ایشلر ناظیرلییندن معلومات وئریلیب.
بیلدیریلیب کی، دانیشیقلاردا آذربایجان رسپوبلیکاسی (نماینده هیئتینین رهبری – س.شریفوو)، ایران اسلام رسپوبلیکاسی (نماینده هیئتینین رهبری – آ. جهانگیری)، قازاخیستان رسپوبلیکاسی (نماینده هیئتینین رهبری – ز. آمانژولووا)، روسیا فدراسییاسی (نماینده هیئتینین رهبری –م. پتراکوو) و تورکمنیستانین (نماینده هیئتینین رهبری – م. آتاجانوو) نماینده هیئتلری اشتراک ائدیب.
اجلاسا ایران نماینده هیئتینین رهبری جهانگیری صدرلیک ائدیب. اجلاس زمانی طرفلر خزر دنیزینده دوز چیخیش خطلرینین چکیلمهسی متودیکاسینین مذاکرهسینی داوام ائتدیریبلر.
اجلاسدا همچنین خزر دنیزینده امکداشلیغین اجمالی باش توتوب. نماینده هیئتلری گؤروشون یوکسک سویهده تشکیلینه گؤره ایران اسلام رسپوبلیکاسینا اؤز منتدارلیقلارینی بیلدیریبلر. ایشچی گروپونون نوبتی اجلاسی قازاخیستان رسپوبلیکاسیندا، دیپلماتیک کاناللارلا راضیلاشدیریلاجاق تاریخلرده کئچیریلهجک.