ارمنستانین فلسطین دولتینی تانیماسینا، نهایت، ایران دا رئاکسییا وئریب.

Axar.az خبر وئریر کی. بو باره‌ده ایرانین ارمنستان‌داکی سفیری مهدی صبحانی دانیشیب.

او بیلدیریب کی، ایران ارمنیستانین فلسطین دولتینی تانیماسینی و فلسطین خالقینا یاردیم گؤسترمه‌سینی آلقیشلاییر:

«ارمنستانین آتدیغی بو جسارت‌لی آددیم بین‌الخالق اجتماعیتین فلسطین خالقینین حقوقلارینا اهمیت وئردیینی و بو حقوقلارین پوزولماسینا قارشی اولدوغونو نماییش ائتدیریر».

صبحانی فلسطینی و خالقینی دستکله‌یه‌ن اؤلکه‌لرین حقیقتین طرفینده اولدوغونو وورغولاییب.

قید ائدک کی، ارمنستان فلسطین دولتینی ۲۱ ایوندا تانیدیغینی اعلان ائدیب. بو آچیقلامادان درحال سونرا ترکییه خاریجی ایشلر ناظیرلییی ارمنستانی آلقیشلادیغینی بیلدیریب، حتی پرزیدنت اردوغان دا ایروانین بو قرارینا شخصاً مناسیبت بیلدیریب. بونون آردینجا دئمک اولار کی، بوتون عرب اؤلکه‌لری ارمنستانین قرارینا مثبت مناسیبتلرینی آچیقلاییبلار.

هر زمان فلسطینی دستکلدیینی دئین و ارمنستانلا یوکسک علاقه‌لر قورموش ایرانین رسمی ایروانین بو قرارینا هئچ بیر رئاکسییا وئرمه‌مه‌سی، یالنیز بیر هفته‌دن سونرا سفیر سوییه‌سین‌ده «آلقیشلادیغینی» بیلدیرمه‌سی ایسه قطیعاً بیرمعنالی قارشی‌لانمیر. بعضی مشاهده‌چیلرین فکرینجه، ارمنستانین بو قراری ۱۸ ایون‌دا پاشینیانین اردوغانلا تلفن دانیشیغیندان سونرا اعلان ائتمه‌سی ایران‌دا قیجیق یارادیب. بئله کی، ایران فلسطیندن سیاسی آمبیسییالاری اوچون استفاده ائدیب و حاضردا «قارداش اؤلکه‌سی» ارمنستانین تورکییه‌نین تأثیری ایله بئله بیر قرار وئرمه‌سیندن ناراضی قالیب. چونکی ایران اوچون اساس اولان فلسطین یوخ، فلسطین اوزریندن آپاردیغی سیاستدیر.