ایراندا ۱۴-جو پرزیدنت سئچکیلرینده تبریزین ملت وکیلی مسعود پزشکیانین نامیزدلیینی ایرلی سورمهسی گونئی آذربایجان و عمومیتله ایراندا یاشایان تورکلرین معاصر تاریخینده داها بیر یادداقالان مرحلهنین باشلانماسینا سبب اولوب.
Axar.az خبر وئریر کی، بو، ایران سوییهسینده آذربایجان مسئلهسینین، تورکلرین ملی حقوقلاری و کیملیکلری ایله باغلی طلبلرینین هر هانسی فورمادا حاللانماسی ایله باغلیدیر.
مسعود پزشکیانین پرزیدنت سئچیلجهیی تقدیرده بئله هانسیسا معجزه ائده، ایراندا حاکم اولان سیستمین دییشدیریلمهسی و یا اصلاحاتی اوچون جدی آددیم آتا بیلمیجهیی بری باشدان معلومدور. پزشکیان دا باشقا نامیزدلر کیمی اؤلکهده دینی لیدرین مطلق حاکمیتینی دیکته ائدن و دینین، اونون تمثیلچیسی اولان اؤلکه رهبرینین هگمونلوغونو تثبیت ائدن ۱۱۰-جو مادهنی (ویلایتی فقیه) یا کؤنوللو و یا مجبوری شکیلده قبول ائدیب. همین اینستیتوت لغو ائدیلمهیهنه، اؤلکهده دین سیاستدن آیریلمایانا، حاکمیتدن دوشمهیهنه قدر ایراندا جدی دییشیکلیک گؤزلهمک ممکن دئییل.
ایندیکی وضعیتده هئچ بیر رپرسییا و کوروپسییادا آدی حاللانمایان مسعود پزشکیانین نامیزدلیینی ایرلی سورمهسی ایراندا یاشایان تورکلرین اؤزونه اینام، اؤزونه گووهن و ملی کیملیکلری ایله باغلی مسئلهلرینین داها گئیش سوییهده مذاکرهسینه، گوندهمه گلمهسینه یول آچا بیلردی. آنجاق بو دفعه ده آذربایجانلیلار تشکیلاتلانمیش شکیلده حرکت ائتمدیکلری اوچون یارانمیش قیزیل فرصتدن کفایت قدر استیفاده ائده، اؤلکه سوییهسینده طلبلرینی داها یوکسک کورسولرده حاللاندیرا بیلمهدیلر.
خصوصاً خاریجده یاشایان بیر سیرا آذربایجانلی، ملی دوشرگهیه منصوب شخص و قوروملارین بیر قیسمی عمومایران مخالیفتی ایله عینی مؤقعدن چیخیش ائدیب، اونلارین دئدیکلری و طلبلرینی تکرارلاییب، سئچکیلری بویکوت مسئلهسیندن بئله یئترلی استیفاده ائده بیلمهدیلر.
پزشکیانین ۲۶ ایوندا تبریزه سفری ایسه بیر سیرا مقاملارا آیدینلیق گتیردی: سئچکیلری بیرمعنالی اولاراق بویکوت ائدن تورکلرین مسعود پزشکیانی قارشیلاماغا گئتمهسی، اونلارین ایراندا پرزیدنت سئچکیلرینه دئییل، یارانمیش امکانلاردان استفاده ائدرک حقوقلارینی ایفاده ائتمهیه فرصت آختاردیقلارینی گؤستردی.
همین گؤروش و سئچکی میتینگینده اشتراک ائدنلر یئرلی مئدیایا وئردیکلری مصاحیبهلرینده بونو دیله گتیریب، سئچکیلرین نتیجهلریندن مثبت نسه گؤزلهمهدیکلری حالدا، آذربایجانلیلارین طلبلرینین سسلندیریلمهسینده ماراقلی اولدوقلاری اوچون پزشکیانی قارشیلادیقلارینی بیلدیردیلر.
همین گؤروشده شعارلار فورماسیندا ایرلی سورولن طلبلر و آذربایجانلی نامیزدین بونو قبول ائتمهسی، اونلارین حلی اوچون چالیشاجاغینی دئمهسی ایسه بوتون چاتیشمازلیقلارا باخمایاراق، مثبت آددیم کیمی دیرلندیریله بیلر.
گؤروش میتینقپگینده مسعود پزشکیان اورمییا گؤلونون برپاسی، ورزیغانین سونگون میس معدهنینین غیری-آذربایجانلیلار طرفیندن تالانماسی، تبریز تمثیلچیسی "تراکتور" فوتبول کلوبونون پروبلئملرینین حلی، قادینلارین، معلملرین و طلبهلرین حقوقلارینین تامین اولونماسی بارهده وعد وئردی.
بونلار آذربایجانلیلارین چوخسایلی پروبلمینین سادهجه بیر قیسمیدیر و البته کی، اونلارین حل ائدیلمهسی ایله بئله هر شئی بیتمیش حساب ائدیله بیلمز. آنجاق ایندیکی شرایطده، پزشکیانا قارشی بوتون جیناحلاردان تضییق و هجوملارین اولدوغو بیر زاماندا بو مسئلهلرین یوکسک تریبونادان سسلندیریلمهسی یاخشی حالدیر.
بوتون بونلارا باخمایاراق، ایراندا ایستهنیلن سئچکینی بویکوت ائتمک، رژیمین لئگیتیملیینه اجازه وئرمهمک ان دوغرو سئچیمدیر.
سادهجه بویکوت ائتمهییب و سسوئرمهده اشتیراک ائدنلرین مسعود پزشکیانا سس وئرمهلری مقبولدور.
قید ائدک کی، ایراندا پرزیدنت سئچکیلری بو گون کئچیریلیر.