هانییه‌یه قارشی سو-قصد اولوناجاغی احتیمالی هر زامان وار ایدی و گؤزله‌نیلن ایدی. محاربه باشلایاندان بری اسرائیل ده دفعه‌لرله حماس-ی هده‌له‌ییب، حتی دونیانین هاراسیندا اولورسا-اولسون اونلاری هدف آلاجاقلاری باره‌ده آچیقلاما وئریلیب. رسمی تل‌آویو سون آددیملا هئچ کیمین تهلوکه‌سیزلیک‌ده اولمادیغینی و لیدرلره سو-قصد ائده بیلجه‌یینی اثبات ائتدی. تهرانین هجوم یئری اولاراق سئچیلمه‌سی، اوسته‌لیک سو-قصدین پزشکیانین آندایچمه مراسیمیندن سونرا باش وئرمه‌سی هئچ ده تصادف دئییل.

بو سؤزلری Axar.az-آ حماس-این لیدری اسماعیل هانییه‌نین تهران‌دا اؤلدورولمه‌سی ایله باغلی دانیشان تورکییه‌نین اؤلکه‌میزده‌کی کئچمیش حربی آتتاشسی گنرال-لیتنانت یوجئل کارااوز دئییب.

گنرال هجومون تهران‌دا تشکیل ائدیلمه‌سینین ایران دولتی‌نین ضعیف‌لیینی‌نین تظاهرو اولدوغونو بیلدیریب:

«باش وئره‌ن هجوم ایرانین ضعیف‌لیینی، اؤلکه‌یه آندایچمه مراسیمینه گلن، هر آن سو-قصده اوغراما احتیمالی اولان بیر شخصی قورویا بیلمه‌دیینی اوزه چیخاردی. اوسته‌لیک هانییه ایرانین هر زامان دستکله‌دیینی سؤیله‌دیی حماس-ین سیاسی لیدریدیر. یعنی هانییه ایرانا گووه‌نیب تهرانا گئتدی، اما اونلار اوزرلرینه دوشن وظیفه‌نی یئرینه یئتیریب اونو قورویا بیلمه‌دیلر. ایندی رسمی تهرانین وئرجه‌یی جاوابین نه اولاجاغی چوخ اؤنملی‌دیر. آنجاق لیوانا سون هجوم، قززادا باش وئره‌ن حادثه‌لر نظره آلیندیغیندا سون سو-قصدین دوغوراجاغی گرگینلیین بوتون یاخین شرقه یاییلما ریسکی‌نین آرتدیغینی دئیه بیله‌ریک. هجومون ایراندا باش وئرمه‌سینه باخمایاراق، رسمی تهرانین اسرائیله بیرباشا جاواب وئرجه‌یینی دوشونموره‌م. یئنه یاخین شرقده‌کی پروکسیلری واسطه‌سیله هانسیسا آددیملار آتاجاقلار. بؤلگه‌ده یانغین بؤیویور. بو یانغینین لیواندان سونرا سورییایا کئچمه احتیمالی چوخدور. دولت رسمیلریمیز ده ان یوکسک سوییه‌ده بونو دفعه‌لرله ایفاده ائدیبلر».

کارااوز هانییه سو-قصدینی اوچونجو دونیا محاربه‌سینه آپاران نوبتی آددیم کیمی قیمتلندیریب:

«هجومون نتانیاهونون آمریکا سفریندن سونرا باش وئرمه‌سی خصوصی مقامدیر. واشینگتونون خبری اولمادان بو سوییه‌ده هجومون تشکیل ائدیلمه‌سی ممکون دئییل. آمریکانی خبردار ائد‌رک، یاخود ائتمه‌دن بو هجومو تشکیل ائتمه احتیمالی‌نین هر ایکیسی آیری-آیریلیق‌دا بؤیوک پروبلئمدیر. نتیجه اعتباریله ایسه باش وئره‌ن هجوم اوچونجو دنیا محاربه‌سینه آپاران مرحله‌لردن بیریدیر».