ایران قفقازدا گئتدیکجه تک قالیر. بونا گؤره ده ترکیه و آذربایجانین صلح، ثابت‌لیک و امین-آمانلیق اوچون ایر‌لی سوردویو تکلیفلره، چاغیریشلارا، حتی «۳+۳» پلاتفورماسینا مثبت جواب وئرمکدن یایینیر، ارمنستانی اؤزوندن آسیلی وضعیته سالماق ایستییر. حاضردا ایران موجود وضعیته باشقا بیر سیاستله یاناشیر. بونا گؤره ده روسییا ایله قارشی-قارشییا گلیر.

Axar.az خبر وئریر کی، بو سؤزلری احتیاط‌دا اولان گنرال یوجل کاراوز دئییب.

او علاوه ائدیب کی، حاضردا ایرانین آپاردیغی سیاست ایکی اوزلولوکدن باشقا بیر شئی دئییل:

«زنگزور دهلیزی ارمنستانین اراضی بوتؤولویو اوچون تهلوکه دئییل. زنگزور دهلیزی ایله باغلی اوچونجو بیر اؤلکه دئیه بیلمز کی، بورا بیزیم قیرمیزی خطیمیزدیر. هئچ کیم کیمینسه اراضی بوتؤولویونو، سرحدلرینی دییشدیرمک نیتینده دئییل. اگر ایران سرحدلر اوچون بو قدر ناراحات اولوردوسا، نیه ۳۰ ایل آذربایجان تورپاقلارینین اشغال آلتیندا قالماسینا سوسدو؟ مسئله بوراسیندادیر کی، زنگزور دهلیزی ایرانا ضرر وئره‌جک بیر لایحه دئییل. ساده‌جه ایران بونو آنلاماق ایستمیر. ایران عقل‌لی سیاست حیاتا کئچیررسه، بو دهلیزده رولو آرتار».

گنرال علاوه ائدیب کی، دهلیزله باغلی ایرانین بیر سیرا ناراحاتلیقلاری موجوددور:

«ایران دهلیز آچیلارسا اؤلکه‌سینین گلیرلرینین آزالاجاغینی و ایستراتژی اهمیتینی ایتیرجیینی دوشونور. طبیعی کی، بو، هئچ ده بئله دئییل. معلوم‌دور کی، ایران‌دا حاکمیت دین اوزرینده قورولوب. دینی حاکمیتین ایستراتژی پریوریتتلری آراسیندا ترکیه و آذربایجانین گوجله‌نمه‌مه‌سی، بؤلگه‌یه صلحون گلمه‌مه‌سی اساس مسئله‌لردن بیریدیر. ایران ایندی نه دانیشیرسا، دانیش‌سین هامی‌سی بوشدور. زنگزور دهلیزی آچیلمادیغی تقدیرده ارمنستان آدلی بیر دولت اولمایاجاق. زنگزور دهلیزینین آچیلماسینین گئجی-تئزی وار. زنگزور دهلیزی بؤلگه‌یه یالنیز صلح گتیره‌جک».