بو گون سنتیابرین ۱۶-ی گون‌اورتادان سونرا ایرانین ۹-جو پرزیدنتی مسعود پزشکیان پرزیدنت سئچیلدیک‌دن سونرا ایران و خارجی ژورنالیستلرین اشتراکی ایله ایلک مطبوعات کنفرانسینی کئچیریب.

Axar.az خبر وئریر کی، کنفرانس اسلام اؤلکه‌لری باشچیلارینن اجلاس زالیندا کئچیریلیب.

او، بوندان اول نظرده توتولان کنفرانسین کئچیریلمدیینه آیدینلیق گتیریب، ایلک کنفرانسین بیر سیرا واجب ایشلری گؤردوکدن سونرا کئچیریلمه‌سینین داها مقبول اولدوغونو دوشوندویو اوچون مدیا نماینده‌لری ایله گؤروشو گئجیکدیردیینی دئییب.

مسلمان اؤلکه‌لرین بیرلیینین واجبلییندن دانیشان پزشکیان، بئله بیر بیرلیین یارانماسی تقدیرده واحد دیل و بازارین فورمالاشا بیلجیی ایدئیاسینین رئاللاشاجاغینی، مسلمانلارین باشقالارینین قارشی‌سیندا حقوقلارینین مدافعه‌سینین داها آسان اولاجاغینی سؤیله‌ییب.

اقتصادی مسئله‌لرله بالی ژورالیستلرین سواللارینی جوابلاندیران مسعود پزشکیان ایلک آددیم‌دا داخیلی مباحثه‌لری حل ائدیلمه‌سینین ضروریلیینی، استحصال‌چیلارا و اینوستورلارا ایناملی و مونبیت زمینین تامین ائدیلمه‌سینین واجبلیینی وورغولاییب.

ایران پرزیدنتی نوبتی دفعه علی خامنه‌اییه صادقلیینی و اونون تعیین ائتدیی استراتگییانی ایر‌لی آپارماغا چالیشدیغینی تکرارلاییب.

"اؤلکه‌نی انقلابین رهبرینین دئدیی سوییه‌یه چاتدیرماق اوچون اف.ای.تی.اف-ا عضو اولماق و نووه سازشی ایله باغلی دانیشیقلار ساحه‌سینده‌کی پروبلملریمیزی حل ائتملییک"،- او بیلدیریب.

خارجی سیاستله باغلی سواللاری جوابلاندیران پزشکیان ایرانین اؤلکه‌سینین قونشو اؤلکه‌لرله امکداشلیغی انکشاف ائتدیرمک فکرینده اولدوغونو سؤیله‌ییب.

او، ایرانین یمن حوثیلرینه راکت وئرمدیینی، ایرانین بئله بیر راکتلرینین اولمادیغینی ادعا ائدیب.

یاخین واختلاردا تورکیه‌یه سفر ائتمک نیتینده اولدوغونو آچیقلایان پزشکیان «تورکیه بیزیم دوستوموز و قارداشیمیزدیر،. تورکیه ایران واسطه‌سیله پاکیستان و افغانیستانلا تجارت علاقه‌سی قورا بیلر، ائله بیر یول آچمالییق کی، سیز ایرانا بیز ایسه تورکیه‌یه راحت گله بیلک»، - ایران پرزیدنتی تورکیه‌لی ژورنالیستین سوالینی جوابلاندیرارکه‌ن قید ائدیب.

فرانسالی ژورنالیستین سوالینی جوابلاندیران پزشکیان اسرائیلین ایرانی محاربه‌یه جلب ائتمک ایستدیینی ادعا ائدیب.

"اسرائیلین بؤلگه‌ده ائتدیی ایش، همچنین اسماعیل هنیه‌نی تهران‌دا اؤلدورمکله نمایش ائتدیردیی عمل بیزی رگیونال محاربه‌یه سوروکله‌مک ایستییندن ایر‌لی گلیر. بیز قانونلار چرچیوه‌سینده آددیم آتیریق. اؤزوموزو مدافعه حقوقونو، اسرائیله واختیندا، الوئریشلی شرایط‌ده و معین اصوللارلا جواب وئرمک حقوقونو اؤزوموزده ساخلاییریق"،- او، دئییب.

مسعود پزشکیان یاپونییالی ژورنالیستین ایرانین روسیایا راکت تداروکو باره‌ده سوالینا جواب وئریب و بونون ساده‌جه آمریکا و غربین ادعاسی اولدوغونو بیلدیریب.

"بیز روسیا ایله امکداشلیق ائدیریک، آمریکا بیزه قارشی سانکسییا تطبیق ائتدیی حال‌دا روسیا بیزه یاردیم ائدیب و بیزیم روسیا ایله معین علاقه‌لریمیز وار، بیز بو علاقه‌لری کسه بیلمه‌ریک. آنجاق قطعی شکلده دئییرم کی، بیز روسیایا هئچ نه وئرممیشیک، اونا گؤره کی، بیز صلح طرفدارییق، کیمسه ایله دعوامیز یوخ‌دور"،- پزشکیان دئییب.

او، آمریکا و آوروپا ایله ایران آراسیندا اولان پروبلملرین حلی و گرگینلیین آزالدیلماسی اوچون یاپونییانین ایسته‌نیله‌ن واسطه‌چیلیک تشببوسونو مثبت قارشیلادیغینی سؤیله‌ییب.