اسرائیلین حزب‌الله لیدری حسن نصراللاهی دا آرادان گؤتورمه‌سیندن سونرا بوتون دقت ایرانین اوزرینده‌دیر: ایران هانسی‌سا جواب وئرجکمی و بو «جواب» اؤزونده نه‌یی احاطه ائد‌جک؟

ایران حکومتی حاضیرکی وضعیتده اولدوقجا چتین دوروم‌دادیر. اگر نصراللاهین قتلینه حربی رئاکسییا وئررسه، اسرائیلین چوخ‌دان آرزولادیغی سسنارییه جلب اولوناجاق. ذاتاً اسرائیل ۷ اوکتیابر هجوموندان سونرا مختلف واسطه‌لرله ایرانی محاربه‌یه جلب ائتمه‌یه چالیشیر.

نتانیاهو آرتیق ایرانین ممکون هجومو ایله باغلی تهدیدینی ده سسلندیریر: ایران هجوم ائدرسه، اسرائیل ده ایرانا بیرباشا ضربه ائندیرجک.

بو، اسرائیلین ایران کنسوللوغونو وورماسینا جواب اولاراق تهرانین آپرل آییندا یهودی دولتینه ائندیردیی ضربه‌لرین تکرارلانماسی احتمالینا قارشی خبردارلیقدیر. آپرل آییندان ایندییه قدر چوخ شیلر دییشیب: اسرائیل حماس قوه‌لرینین اهمیتلی حصه‌سینی محو ائدیب، عینی زمان‌دا مقاومته رهبرلیک ائد‌ن لیدرلری سیرادان چیخاریب. ایرانین رگیون‌داکی اساس دایاقلاریندان اولان حزب‌اللاها ایسه سون گونلر سارسیدیجی ضربه ائندیریب – ایندی نه‌اینکی حسن نصرالله، حزب‌اللاهین بیر چوخ تانینمیش کومان‌دیرلری ده یوخ‌دور، محو ائدیلیب. اوسته‌لیک، آبش-این ایرانین مومکون زربه‌لرین‌دن ایسرای‌لی قوروماق اوچون یاخین شرقه یئرلشدیردیی قوه‌لرینین سایی ۴۰ مینی اؤتوب. آمریکا-بریتانییانین رهبرلیک ائتدیی کوالیسییا ایسه یمن حوثیلرینین امکانلارینی دارالدیب و اونلاری تاثیرسیز حالا گتیریب: حوثیلرین بوتون هجوملارینین قارشی‌سی درحال آلینیر و هجوم حیاتا کئچیریله‌ن یئرلر آنیندا سیرادان چیخاریلیر.

بئله‌لیکله، ایران بیر ایل دئییل، ۶ آی بوندان اؤنجه‌کی سیتواسییادان داها چتین دوروم‌دادیر و «قوللاری» یاخین شرقدن سرعتله «دمونتاژ» اولونور. بونا گؤره ده ایرانین اؤز اراضی‌سینده اسرائیله قصاص مقصدیله ضربه ائندیرجیی حالین‌دا تل-اویوین کسکین و چوخ سرت رئاکسییا وئرجیی احتمالی یوکسکدیر. ایرانین بمبالانماسیندان آمریکا-نین «خبرسیز» اولاجاغی دا ممکوندور، آنجاق حزب‌الله لیدرینین اؤلومونده اولدوغو کیمی، واشینگتون یئنه ده اسرائیلین «اؤزونو مدافعه حقوقو»نو تانییاجاق و اونا دستک وئرجک.

اسرائیل بوتون حاضرلیقلارینی گؤروب: «پیجر عملیاتی» ایله حزب‌اللاهی افلیج ائتمک، او جمله‌دن جدی محافظه اولونان و قالین بتونلارلا احاطه‌لنه‌ن بونکرده‌کی نصراللاهی اجلاس کئچیردیی آندا محو ائتمک گوجونه صاحب اولدوغونو آرتیق تصدیقله‌دی. بیروتا آغیر ضربه‌لرینه باخمایاراق، جدی سیاسی تضییقله ده اوزلشمه‌دی. دئمک، حاضرلیقلار تماملانیب و اصلینده اسماعیل هنیه‌نینی قصاصینی آلماغا چکینه‌ن ایران دا بونو بیلیر، اونا گؤره ده آرادان ایکی آیا یاخین واخت کئچمه‌سینه باخمایاراق، تهران هئچ بیر عملیات گئرچکلشدیرمیر.

اگر ایندی – اسماعیل هنیه‌نین آردینجا حسن نصراللاهین قتلینه رئاکسییا وئررسه، بونون هانسی نتیجه‌لری اولاجاغینی بیرلشمیش ملتلر تشکیلاتی باش آسامبلیاسینین ۷۹-جو سسییاسین‌دا اشتراک اوچون آمریکا-یا گئدن ایران پرزیدنتی مسعود پزشکیان، نیو یورکدا ایرانلیلارلا گؤروشونده اعلان ائتدی. او بیلدیردی کی، اؤلکه‌ده هر هانسی حادثه‌نین باش وئرجیی تقدیرده کوردوستان، آذربایجان، سیستان و بلوچستان، خوزستان اؤزلرینین حکومتلرینی قوراجاقلار.

«اؤلکه داخلینده بحرانلارین داوام ائدجیی تقدیرده آرتیق ایران آدیندا اؤلکه موجود اولمایاجاق»، - پزشکیان بیلدیردی.

بحران دئیرکه‌ن، ایلک نوبه‌ده ایرانین حربی عملیاتلارا جلبی نظرده توتولور - البته، اقتصادی بحران، سانکسییالارین داغیدیجی تأثیرلری ده تهرانی چیخیلمازا مجبور ائدیب.

بو باخیم‌دان اولایا ایرانین حربی رئاکسییا وئرجیینی پروگنوزلاشدیرماق چتیندیر. پروکسی-قوه‌لرله هجوم ایسه تهرانین اؤز سیماسینی قوروماسینا یاردیم‌چی اولمایاجاق، چونکی «مقاومت اوخو» جدی شکلده سارسیدیلیب.

ایرانین حربی رئاکسییا وئرمیجیی حال‌دا اسرائیل یاخین شرق‌ده‌کی تهرانا باغلی بوتون گروپلاری بیتیرمک اوچون داها ایر‌لی گئتمک امکانی قازاناجاق. باشقا سؤزله، ایران چیخیلمازا دیرنیب – حربی عملیاتا قوشولسا اؤز موجودلوغو، قوشولماسا رگیونال ایمیجی دارماداغین اولاجاق، اؤلکه خارجینده‌کی بوتون پروکسیلری محو ائدیله‌جک.

ماراقلیدیر: ایران اسماعیل هنیه‌نین قصاصینی آلماماغا راضیلاشاندا (غزه‌ده صلح تکلیفینه گؤره بو قصاصی ائرته‌لدیکلرینی اعلان ائتمیشدیلر)، نوبتی ضربه‌نین حزب‌اللاها دیجیینی حسابلامامیشدیمی؟

چوخ بؤیوک احتماللا ایران بو سسنارینی گؤزه آلمیشدی. بئله معلوم اولور کی، یا ایرانلا «دانیشیلمیش اویون» گئدیر، یا دا ایران هانسی اویونون گئتدیینی آنلایاراق، اؤز موجودلوغونو قوروماغا چالیشیر.

بعضی پولیتولوقلارین فکرینجه، ایران پروکسی-قوه‌لرینین سیرادان چیخاریلماسینا دولاییسی راضیلیق وئریب:

۱. «مقاومت قوه‌لری»نی اداره ائتمکده چتینلیک چکیر، آرتیق اونلار بعضی مقاملاردا ایرانلا حسابلاشمیرلار؛

۲. بو قوه‌لری مالیه‌لشدیرمک ایران اوچون هر کئچه‌ن ایل داها دا آغیرلاشیر، چونکی اؤلکه‌نین اقتصادی امکانلاری گئتدیکجه چتینلشیر، داخل‌ده سوسیال اعتراضلار آرتیر، کوللی مقداردا وسایتین بو قوه‌لره خرجله‌نمه‌سی اؤلکه‌نی یوخسوللوق حدینه چاتدیریر کی، بو دا پزشکیانین دئدیی «ایران‌دا بیر نئچه دولتین یارانماسی» ایله نتیجه‌لنه بیلر.

پزشکیانین «ایران اراضی‌سینده ۴ دولت یارانا بیلر» مساژینین اؤزو ده غربه شانتاژدیر: غرب ایران‌دا جنوبی آذربایجان دولتینین یارانماسی ایله تورکیه‌نین اورتا آسییانین تورک دولتلری ایله گئنیش علاقه‌سینین یارانماسینا و تورانین قورو سرحدلرله بیرلشمه‌سینه حاضردیرمی؟ غرب بونا راضیدیرمی؟

گؤرونور، «ایران‌دا یئنی دولتلرین یارانماسی» غربین پلانلارینا اویغون دئییل.

بونا گؤره ده ایرانین «سرحدلرینه چکیلمه‌یه»، اؤلکه کنارینداکی قوه‌لرینین محوینه راضیلاشدیغی، اوزینده سانکسییالارین یومشالدیلماسی و موجودلوغونا تأمینات آلماق ایستدیی وئرسییاسی کفایت قدر گوج‌لو احتمالدیر.