آذربایجان - چین تجارت علاقه‌لری تاریخینده ایلک دفعه اولاراق اخراج یوکلری باکی‌دان دمیریولو نقلیاتی ایله چینه یولا سالینیب.

بو باره‌ده Axar.az-آ آذربایجان دمیر یوللاری قاپالی سهامدار جمعیتیندن بیلدیریلیب.

ایلک اخراج قاطارینین یولا سالینما مراسیمینده آذربایجان و قازاخیستان دمیر یوللارینین یوکسک نماینده هیئتی، ترانسخزر بین‌الخالق نقلیات مارشروتو کاتبلیینین رهبرلیی ایله یاناشی چینین سیان چانبا بین‌الخالق لیمانینین اداره‌ائتمه کمیته‌سینین رهبر شخصلری ده اشتراک ائدیب.

قید ائدک کی، یولا سالینمیش "باکی-سیان" ایلک اخراج بلوک قاطاری ۶۲ عدد ۴۰ فوتلوق کونتینردن عبارت‌دیر. بو یوک مولتیمودال اولاراق قازاخیستان اوزریندن چینین ان بؤیوک قورو لیمانلاریندان بیری اولان سیان لیمانینا چاتدیریلاجاق. لاییحه چرچیوه‌سینده ایلکین اولاراق بو ایلین سونونادک عمومی‌لیکده ۱۵ مین تن، یعنی ۶۰۰ کونتینر اخراج یوکونون قید اولونان مارشروت ایله چینه گؤندریلمه‌سی پلانلاشدیریلیر.