دونالد ترامپلا روسیا پرزیدنتی ولادیمیر پوتینین یاخشی مناسبتلری و بیرینجینین «روسیا-اوکراینا محاربه‌سینی تئز بیتیرجه‌یه‌م» دئمه‌سی آوروپا لیدرلرینی دوشوندورور.

Axar.az خبر وئریر کی، بونو تورکیه‌لی سیاسی اکسپرت امره اؤزتورک دئییب.

"آوروپالی استراتگلرین فکرینجه، ترامپین پلانی آمریکا، روسیا، اوکراینا و آوروپا بیرلیی-نین بیر ماسا آرخاسین‌دا اوتوردوغو صلح پلانی و روسیانین اشغال ائتدیی تورپاقلاری مسکوایا بوراخماقدیر. بو حال‌دا اوکراینانین ناتو-یا داخل اولماسینین ممکون اولمادیغینی بیلدیرن استراتگلر بئله بیر پلانین آوروپا بیرلیی-آمریکا مناسبتلرینده جدی قیریلمایا سبب اولاجاغینی وورغولاییرلار.

او دا معلوم‌دور کی، ترامپ دنیانین ان بؤیوک مارکتولوقو آدلاندیردیغی اوکراینا پرزیدنتی ولادیمیر زلنسکییه اوستونلوک وئرمیر"، - اکسپرت قید ائدیب.