یوخاری

باکی‌دا «عصرین محکمه‌سی» باشلادی: دوشمنه «فاکت» وئرمه‌یین!

آنا صحیفه گوندم
12 Punto 14 Punto 16 Punto 18 Punto

بو محکمه پروسسی خالقیمیز اوچون تاریخی حادثه‌دیر.

بو سؤزلری Axar.az-آ آچیقلاماسیندا میللی مجلسین انسان حقوقلاری کومیته‌سینین صدری زاهید اوروج چوخسایلی حربی جینایتلرده اتهام اولونان کئچمیش و قوندارما «داغلیق قاراباغ رهبرلییی»نین ۱۷ یانواردا باشلایان محکمه پروسسی حاقدا دانیشارکن دئییب.

میللت وکیلی بیلدیریب کی، بو، آذربایجان تورپاقلارینین غصب ائدیلمه‌سی ایدئولوگییاسینی و اونون اجراچیلارینی ۱۰۰ ایلدیر محاکمه ائده، جزالاندیرا بیلمه‌ین دؤولتیمیز اوچون بؤیوک تاریخی اولایدیر:

«بو محکمه، بو محاکمه پروسسی ظفر حرکاتیمیزین، مقدس محاربه‌میزین نتیجه‌سی‌دیر. بونو تامین ائد‌ن پرزیدنتیمیز ایلهام علیئودیر. اونا گؤره ده بو حادثه‌نی کیمینسه «عصرین محکمه‌سی» آدلاندیرماسی مبالغه دئییل، گئرچک قیمتله‌ندیرمه‌دیر.

۳۵ ایل عرضینده زوری بالایانلار، ایگیدیانلار و باشقا شخصلر سپاراتیزمی و قاراباغ‌دا سویقیریملاری، اتنیک تمیزله‌مه‌لری، اشغالی آلوولاندیریبلار. ۱۹۸۷-۱۹۸۹-جو ایللرده یوزمینلرله آذربایجانلی دده-بابا تورپاقلاریندان چیخاریلدی، زوراکیلیغا معروض قالدی، قربی آذربایجان‌دا اتنیک تمیزله‌مه آپاریلدی. ایندی او مشققتلری یاشایان انسانلاردان ساغ قالانلارین هامیسی‌نین گؤزو، اوره‌یی، بئینی، دوشونجه‌سی بو محکمه‌یه دیکیلیب. بو، تورپاقلاریمیزین بوتؤولویو اوغروندا حیاتینی قربان وئره‌ن انسانلارین دوغمالارینین، قاضیلریمیزین، وترانلاریمیزین، شاهیدلرین، بوتؤولوکده خالقیمیزین اون‌ایللردیر گؤرمک ایسته‌دیی عدالت محاکیمه‌سی‌دیر.

دوشونوره‌م کی، بورادا هم پروکورورلوق، هم ده محکمه اورگانلاریمیزین اوزرینه تاریخی میسسییا دوشور. اونلار بورادا هانسیسا ائموسییا و یا نفرت دویغولارینی دئییل، حقوقون عالی‌لیینی اساس گؤتورمه‌لیدیرلر. چونکی حاضردا قانون دا، حقوق دا، فاکت دا بیزیم طرفیمیزده‌دیر، عدالت ده.

اونا گؤره بورادا سؤز آرتیق حقوقون‌دور – ایسانلارین کوتلوی قتله یئتیریلمه‌سی، سویقیریم و بشری جینایتلر، همچینین انسانلارین مولکونون اله کئچیریلمه‌سی و س.
اوزون ایللر عرضینده قید ائدیلن جینایتلرین تشکیلاتچیلاری و اساس اجراچیلاری کیمی بو محاکیمه ائدیلن انسانلارین آدی کئچیر. البته کی، بو نقطه‌ده سیاست‌چیلریمیزه، دولت آداملاریمیزا، مئدیا نماینده‌لریمیزه چاغیریش اوندان عبارتدیر کی، محض بورادا غالب دولت و غالب خالق دوروشونو و اداسینی نماییش ائتدیرک، محکمه‌نی قاباقلامایاق، واختیندان اول حکم چیخارمایاق.

دقتینیزه چاتدیریم کی، آلمانییادا طلعت پاشانی قتله یئتیره‌ن سوغومون تگلیریان ارمنی دوشونجه‌سینده، عمللرینده، کیتابلاریندا قهرمانلاشدیریلیردی. تأسف کی، اونلارین قهرمانلاشدیردیغی اکثر ارمنی خالقیمیزین قانی اوزرینده هیکللشه‌نلردیر.

ایندی ایسه بیزیم میسسییامیز بو مسئله‌لره ائله قیمت وئرمک‌دیر کی، عدالتینه کیمسه‌نین شبهه‌سی اولماسین. دوغرودور، خالقیمیزین ایچینده ائموسیونال رئاکسییالار باشادوشوله‌ندیر. چونکی، مثلاً، محاربه زوناسیندان ۱۰۰ ک‌م اوزاقلیقداکی گنجه شهرینده ملکی انسانلاری گئجه یاریسی، داها چوخ انسانین اؤلمه‌سینی تامین ائتمک اوچون یاتدیغی یئرده راکت ضربه‌لرینه معروض قویان، سونرا دا افیره چیخیب، «امری من وئردیم» دئین بیر شخصین ایندی محکمه‌ده سؤیلدیکلرینه انسانلاریمیزین درین ائموسیونال رئاکسییاسینین قارشی‌سینی آلماق چتیندیر. او قتل‌عاملاردا والیدینینی، کؤرپه اولادینی ایتیره‌نلر وار و آرایک آروتیونیانین ملکی انسانلارین قتلعامیندان سونرا او جور ایفاده‌لرینی اونوتماق چتیندیر. آخی حادثه‌نین ده اوستوندن جمعی ۴ ایلده‌ن بیر قدر چوخ واخت کئچیب، یارالار تزه‌دیر، درین‌دیر».

میللت وکیلی بوتون بونلارا باخمایاراق، دوشمنین و اونلارین هاوادارلارینین بین‌الخالق حقوقون آرخاسیندا گیزلنه‌رک، حیله‌گر اویون قوردوغونو بیر داها خاطیرلادیب:

«گؤرورسونوز، اونلارین اطرافیندا نه قدر «بین‌الخالق مدافعه استحکامی» دوزله‌دیلیب. بو قوه‌لرین اطرافیندا چتیر قوران، حتی اونلاری «سیاسی محبوس» آدلاندیرماغا و بونو ائله بو جور ده قلمه وئرمه‌یه چالیشانلار خیردا حقوقی بوشلوقلار تاپماغا، هانسیسا پروسدورون پوزولدوغونو درهال قیده آلماغا، او جمله‌دن «تقصیرسیزلیک پرزومپسییاسی» آنلاییشینی استثمار ائتمه‌یه چالیشیرلار. قید ائدیم کی، اتهام اولونانلاردان بیری – روبن وارداریانین میلیاردی آشان ثروتی وار و او، میلیونلارلا دوللار مقابیلینده دنیاجا مشهور حقوقشوناسی وکیل توتوب، او جمله‌دن بین‌الخالق مئدیادا پیارینی آپاراجاق کوماندا معیینلشدیریب. دقت ائدیرسینیزسه، محکمه‌سی باشلایانلار ایچری‌سینده دنیا مئدیاسیندا، او جمله‌دن ارمنی سایتلاریندا ان چوخ آدی حال‌لانان، مدافعه‌سی تشکیل ائدیلن ده واردانیاندیر. بو «مدافعه شبکه‌سی» کوتلوی فورمادا مختلیف پلاتفورمالاردا چیخیشلار ائدیرلر، آذربایجانا تضییق ائتمه‌یه جهد گؤستریرلر. بیر نئچه گوندور محکمه‌ده اشتراک ائتمک اوچون اؤلکه‌میزه ویزا مراجعتلری داخیل اولور. بو مراجعتلر تصادفی دئییل – اونلار گلیب، بوردا هانسیسا «حقوقی بوشلوق» تاپماغا چالیشیرلار».

زاهید اوروج هئچ بیر تشبثون اونلارین عدالتلی محاکیمه‌سینه مانع اولمایاجاغینا امینلیینی وورغولاییب.

«هئچ بیر تخریباتا اویمادان، قانونون آلیلیینی اساس گؤتوره‌رک، عدالتلی بیر قرار چیخاریلاجاغینا اینانیرام. خالقیمیزدان دا خوهشیم اودور کی، گودوکده دورانلارا، صاباح بو عدالتلی محاکمه‌یه کؤلگه سالماق اوچون نسه تاپماغا چالیشانلارا فرصت وئرمه‌سینلر».

تاریخ
2025.01.18 / 10:46
مولف
Axar.az
دیگر خبرلر

تورکیه ایرانلا سرحدده‌کی دیوارین انشاسینی تماملادی

بو اؤلکه پرزیدنتلری باکی‌یا گلیر - فوروم اولاجاق

یئروسلیم پست: ایرانین «امیدی» ارمنستاندیر

پاشینیان باکینین الی ایله «میوه» قوپارماق ایسته‌ییر

کرملین‌دن روس ائوی ایله باغلی آچیقلاما: قرار وئریله‌جک!

باکی‌یا ایکی اؤلکه‌دن تهدید وار: اسرائیل ایسه وورا بیلر - اورر

بو گون مسکوادا توپلانتیدیر: ایروان امتنا ائتدی

ایران‌دا طلبه‌لری داشییان آوتوبوس آشدی: ۶ اؤلو، ۱۵ یارالی

ترامپین اقتصادی و سیاسی تضییقی حربی هجوم‌دان داها تهلوکه‌لی اولاجاق

ترامپین فرمانی مساژدیر - ایرانا خبردارلیق ائتدی

خبر خطّی
Axar.az'da reklam Bağla
Reklam
Bize yazin Bağla