اوغلوم اورخان عسگروون قاتلینین اعدام اولونماسی ایله باغلی مؤقع و طلبیمیزده هئچ بیر دییشیکلیک یوخ‌دور. آرتیق آذربایجانین باش پروکورورلوغونا اعتبارنامه وئرمیشیک. سندده قید ائتمیشیک کی، قاتلین اعدام حکمو قصاص قسمینده اجرا اولونسون.

Axar.az خبر وئریر کی، بونو آذربایجانین ایران‌داکی سفیرلیینه ترور هجوم زمانی هلاک اولان اورخان عسگروون آتاسی رضوان عسگروو دئییب.

اونون سؤزلرینه گؤره، سندلری اؤتن آیین سونون‌دا رسمی قایدادا باش پروکورورلوغا گؤندریبلر:

"من، حیات یولداشیم، دیگر اوغلوم، اورخانین حیات یولداشی و قیزی عریضه یازمیشیق. اورخانین اوغلو آزیاشلی‌دیر، اونون حقوقلارینی من تمثیل ائدیرم و اونون دا آدیندان عریضه یازمیشام. نوتاریات قایدادا تصدیقلتدییمیز عریضه‌لرده ترورچونون قصاص قسمینده اعدام اولونماسینی طلب ائتمیشیک. همچنین آذربایجانین تبریزده‌کی باش کنسوللوغونا هر بیر عائله عضووموز آیری-آیریلیق‌دا اعتبارنامه یازمیشیق کی، بوتون حقوقی پروسسلرده بیزی تمثیل ائتسینلر. اولا بیلر کی، ایران طرفی حکمون اجراسی زمانی بیزی چاغیرماسین. اعتبارنامه، نوتاریات سندلری ترجمه ائدیله‌رک ایران حکومتینه تقدیم اولوناجاق. همچنین اعتبارنامه‌لریمیز باش کنسوللوغا چاتدیریلاجاق. عائله عضوولریمیزین یازدیغی عریضه‌ده بیر داها قید اولونوب کی، هجومو تؤردن ترورچو قصاص قسمینده اعدام اولونسون".

خاطیرلاداق کی، ۲۰۲۳-جو ایل یانوارین ۲۷-ده آذربایجانین ایران‌داکی سفیرلیینه ترور هجومو اولوب. ترورو تؤردن ایران وطنداشی یاسین حسین‌زاده «کلاشنیکوو» مارکالی آوتومات سلاحلا محافظه پستونو یاراراق محافظه خدمتینین رئیسی اورخان عسگرووو قتله یئتیریب. سفیرلیین محافظه خدمتینین امکداشلاری واصیف تاغییئو و ماهیر ایمانوو هجومون قارشی‌سینی آلارکه‌ن یارالانیبلار.

اورخان عسگروو ایکینجی شهیدلر خیابانیندا دفن ائدیلیب. ۲۰۲۳-جو ایل فورالین ۳-ده آذربایجان پرزیدنتینین سرانجامی ایله عسگروو اورخان رضوان اوغلو (اؤلوموندن سونرا) "وطن اوغرون‌دا" مدالی ایله تلطیف ائدیلیب. تاغییئو واصیف ناطیق اوغلو ۱-جی درجه‌لی «رشادت» اوردنی ایله، ایمانوو ماهیر کامیل اوغلو «وطن اوغرون‌دا» مدالی ایله تلطیف ائدیلیب.

ایرانین عالی محکمه‌سی قاتل حسین‌زاده باره‌سینده چیخاریلان اعدام حکمونو تصدیقله‌ییب. اورخان عسگروون عائله‌سی اونو عفو ائتمدیینه گؤره حکم اجرا اولوناجاق.