ایروان و عشق‌آباد ترکمن گازینین ایران واسطه‌سیله ارمنستانا اؤتورولمه‌سی اوزرینده دانیشیقلار آپاریر. پاشینیانین مشاوری آرتاشس تومانیان بونونلا باغلی معین دتاللاری آچیقلاییب:

ترکمنستان گازینین ارمنستانا سووپ سخمی اوزره چاتدیریلماسی مذاکره ائدیلیر، لاکین طرفلر قیمت مسئله‌سینده راضیلاشما الده ائده بیلمیر.

ارمنستان ترکمن گازینی هله ۲۰۱۷-جی ایلده - سرکیسیانین حاکمیتی دؤورونده آلماق ایسته‌ییردی، آنجاق بو، ایندییه قدر یا ایرانلا ترانزیت حاقی، یا دا گازین قیمتی مسئله‌سینه گؤره باش توتماییب. پاشینیان حاکمیتی مسئله‌نین قیسا مدتده حلی اوچون تماسلارینی اینتنسیوله‌شدیریر و ارمنی رسمیلرین آچیقلامالارینا گؤره، ایرانلا ترانزیت مسئله‌سی آرتیق حل ائدیلیب، ایندی قیمت مذاکره موضوعسودور.

بو، آذربایجان اوچون منفی پرسپکتیولری اورتایا چیخارا بیلر.
بیرینجی‌سی، ایروانین گاز تجهیزاتینی شاخه‌لندیرمه‌سی‌دیر:

محاربه‌دن سونرا آذربایجانین ارمنستانا گاز ساتماسی مسئله‌سی آکتواللاشیب و بو، باکییا هم ده استراتژی اوستونلوک قازاندیرا بیله‌جک عامل‌دیر؛ ارمنستانین تجهیزات زنجیرینی گئنیشله‌ندیرمه‌سی پرسپکستیوده اوستونلوک الده ائتمک امکانلاریمیزی ضعیفله‌دیر؛

ایکینجی‌سی، ارمنستانین محض ترکمنستان گازینا گؤز دیکمه‌سی‌دیر: ۲۰۲۱-جی ایلده باکی ترکمن گازینین ایران ترانزیتی ایله آلینماسی اوزرینده راضیلیق الده ائتسه ده، ۲۰۲۴-جو ایلده قیمت مسئله‌سینده آنلاشیلمازلیق یارانیب؛ ارمنستان ترکمنستان اوچون یئنی بازار رولونو اوینایا بیلر و بو، باکینی تکجه ایروان اوزرینده ممکن گاز ریچاغی الده ائتمک پرسپکتیوینی ضعیفله‌تمیر، هم ده رگیون‌دا ارمنی آلترناتیوی ایله اوز-اوزه قویا بیلر؛

اوچونجوسو و ان ریسکلی مقام ارمنستانین ترکمن گازینین آوروپا بازارینا چیخیشدا ممکن ترانزیته چئوریلمه‌سی‌دیر:

تومانیان بیلدیریر کی، ترکمن گازینین ارمنستان واسطه‌سیله گرجستانا اخراجی دا مذاکره ائدیلیب، تفلیس مثبت جواب وئریب:

«ایدئیا رئاللاشارسا، ترکمن گازینین قارا دنیز اؤلکه‌لرینه ده اخراجی ممکن اولاجاق».

ایروان بونا نایل اولارسا:

- آوروپا بازارینا چیخیش الده ائتمک ایسته‌ین ترکمنستان آلتئرناتیو ترانزیت الده ائدیر و بو، آذربایجان ترانزیتینین آکتواللیغینی ایتیرمه‌سه بئله، «یگانه یول» استاتوسونو ضعیفله‌دیر؛

- آذربایجانین گرجستان بازارینداکی حاکم موقعی=نه ریسکلر یارادیر؛

- ترکمن گازینی گرجستانا و قارا دنیز حوضه‌سینه چیخاران ارمنستان رگیونون انرژی انفراستروکتورون‌دا، عمومی‌لیک‌ده اورتا دهلیزده ترانزیت پایی الده ائده بیلر.

رسمی باکی موجود وضعیت‌ده او قدر ده اهمیتلی گؤرونمه‌یه‌ن بو مسئله‌نین گله‌جک‌ده ریسک تشکیل ائتمه‌مه‌سی اوچون ایروان-عشق‌آباد خطینده‌کی ممکن آنلاشمایا دقت یئتیرمه‌لی‌دیر.