روسیالی پولیتولوگ یوگئنی میخایلووون Axar.az-ا مصاحبه‌سی:

- آمریکا پرزیدنتی دونالد ترامپ دونن آغ ائوده اسرائیل باش ناظری نتانیاهو ایله گؤروشده بیان ائدیب کی، تهران و واشینگتون بیرباشا دانیشیقلارا باشلاییب. او، همچینین قید ائدیب کی، آمریکا و ایران آراسیندا نووه پروگرامی اوزره دیالوگ اوغورسوز اولارسا، تهران بؤیوک تهلوکه ایله اوزلشه‌جک. سیزجه، آغ ائو رهبرینین بئله بیاناتلار وئرمه‌سی ترامپ و نتانیاهونون گیزلی راضیلیغا گلمه‌سینه اشاره‌دیر؟

- بوتون واریانتلار نظره آلینمالی‌دیر. ممکن‌دور کی، ترامپ و نتانیاهو نسه باش وئررسه، ایرانا بیرگه ضربه ائندیرمک و بونا مختلف طرف‌دن باشلایاجاقلاری باره‌ده راضیلیغا گلیب. اسرائیل و یا آمریکانین ایرانی اؤز طلبلرینه گوج یولو ایله راضیلاشدیراجاغینا اینانماغین معناسی یوخدور. ایران سرت دانیشیلاجاق اؤلکه دئییل. یالنیز برابر شرطلر و دانیشیقلار اوچون اوچونجو طرفلرین اشتراکی ایله ایرانلا هانسی‌سا فورمادا دانیشیقلار آپارا بیلیر. ایران جدی اویونچودور. دوشونوره‌م کی، ایران آمریکانین طلبلرینی یئرینه یئتیرمه‌سه، ترامپ و نتانیاهونون بعضی گیزلی پلانلاری اولا بیلر.

- ایرانین روسیا ایله یاخین مناسیبتلرینی و روسیا ایله آمریکانین کونستروکتیو دیالوگا یاخینلاشماغا باشلادیغینی نظره آلساق، تهرانلا واشینگتن آراسیندا مناقیشه‌نین کسکینلشمه‌سی روسیا-آمریکا مناسیبتلرینه هانسی‌سا فورمادا تأثیر ائده بیلرمی؟

- روسییا ماراقلارین یاخینلاشماسی و آمریکا -ایران آراسین‌دا دیالوگون قورولماسی اوچون هر جور سی گؤستره‌جک. بیزیم ایرانلا متفیق‌لیک مقاویله‌لریمیز وار و طبیعی کی، روسییا-آمریکا مناسبتلری فاکتورو دا اورتادادیر - اگر یاخشیلاشارسا. روسیا ایرانا یاخیندیر. بیز معین گئوسییاسی و اقتصادی لایحه‌لری بیرگه حیاتا کئچیریریک. آمریکا نظره آلمالیدیر کی، روسیا ایله ایران آراسین‌دا دوستلوق مناسیبتلری موجوددور. اونا گؤره ده روسیایا آرخالانمادان و روسیایا باخمادان ایرانا قارشی یوکسک سسله بیاناتلار وئرمک هم اسرائیل، هم ده آمریکا اوچون بؤیوک سهودیر. اسرائیل و آمریکانین معین قرار قبول ائدیب ایرانلا مناقشه‌یه باشلاماسینا چتین کی، مسکوا کناردا قالسین.

- وضعیت گرگینلش‌سه و محاربه باشلاسا، بو، جنوبی قفقازا، او جمله‌دن آذربایجانا نئجه تأثیر ائد‌جک؟

- وضعیت محاربه‌یه چاتمایاجاق. اما حربی عملیاتلار باشلاسا، باکی ایله تهران آراسیندا مناسبتلرین ایستیلشمه‌سی بیر کناردا قالاجاق. بورادا اساس اودور کی، باکی اسرائیلی دستکله‌مه‌سین، چونکی اسرائیل بیر چوخ ساحه‌لرده باکینین متفیقی‌دیر. مناقیشه باشلایارسا، باکی تل-اویودن اوزاقلاشمالیدیر. اما حساب ائدیره‌م کی، بئله بیر وضعیتین باش وئرمه‌سی احتمالی آزدیر، چونکی بو، آرتیق گلوبال محاربه اولاردی. تهرانلا مناسبتلرین ایستیلشمه‌سی فونوندا باکی سیاسی مناقشه‌نین حربی مناقشه‌یه چئوریلمه‌مه‌سی اوچون اؤز طرفیندن سعی گؤستریر. آذربایجان آرتیق بلوکلارا قوشولمایان اؤلکه‌لرین حرکاتین‌دادیر و باکی‌نین کفایت قدر تأثیری وار. آذربایجان بین‌الخالق آرئنادا جدی اویون‌چودور. آذربایجان رگیون‌دا تهلوکسیزلیین تعمین اولونماسیندا ماراقلی‌دیر و وضعیتی ثابیتلشدیرمک، مناقشه‌نین قارشی‌سینی آلماق اوچون روسیا ایله بیرگه سعیلر گؤستره بیلر. بورادا تورکیه‌نین ماراقلاری دا نظره آلینمالیدیر. تورکیه ایرانین بیر اؤلکه کیمی موجودلوغونو دایاندیرماسیندا ماراقلی دئییل، چونکی او زمان اسرائیلین یاخین شرق‌ده عکس چکیسی اولمایاجاق و تل-اویو تورکیه‌نین ملی ماراقلارینی چوخ سرت شکیلده بوغا بیلر. آنکارا و باکی ایستراتژی طرفداشدیر. اونا گؤره ده وضعیت چوخ آغیردیر و اونو صرف دیپلماتیک یوللارلا حل ائتمک لازیمدیر. آمریکا و اسرائیل کیمی یئل‌لنه‌ن داما داشی یاخشی هئچ نیه گتیریب چیخارمایاجاق. بورادا بیز رگیون‌دا ملی ماراقلاریمیزی داها محکم مدافعه ائتملیییک.