بیز ایران طرفی ایله بو اؤلکه‌نین اراضی‌سین‌دن کئچه‌رک ناخچیوانی آذربایجانین اساس حیصه‌سی ایله بیرلشدیره‌جک و ارمنستان‌دان یان کئچه‌ن مارشروت اوزرینده چالیشیریق. آوتوموبیل یولو حیصه‌سی آرتیق حاضردیر. ایندی اورادا کؤرپو انشاء ائدیلیر. ایران طرفی ایله دمیر یولو حیصه‌سینه دایر دانیشیقلار گئدیر.

Axar.az خبر وئریر کی، آذربایجان پرزیدنتی ایلهام علیئو آدا-دا کئچیرین "یئنی دنیا نظامی" فوروموندا بو باره‌ده آچیقلاما وئریب.

او بیلدیریب: "آذربایجان و ایران اؤز آرالاریندا راضیلیغا گلملیدیرلر، چونکی ارمنستان بو حیصه‌ده بیزه مانعه تؤره‌دیر. بیز اوتوروب گؤزله‌یه بیلمریک. بیز ارمنستان‌دان یان کئچه‌جک مارشروتو انشاء ائتمه‌یه دایر راضیلیغا گلدیک. اونلار ایسه رگیون‌دا دالان اولماق‌دا داوام ائتسینلر. بئله‌لیکله، پراکتیکی باخیم‌دان بیزیم ایکی طرف‌لی گوندلییمیزین واجیب عاملی اولاجاقدیر".