باکی و ایروان مناقشه‌نی انستیتوسیونال شکیلده باشا چاتدیرمالی و همین گون مینسک گروپو بوراخیلمالی‌دیر.

Axar.az خبر وئریر کی، بونو ارمنستانین خارجی ایشلر ناظری آرارات میرزویان آنتالیا دیپلیماتیک فورومو چرچیوه‌سینده آذربایجانلی همکاری جیحون بایرا‌ اف‌لا بیرلیک‌ده کئچیریلن پانئل مذاکره‌سینده دئییب.

«بیز بیر نئچه دفعه مینسک گروپونون بوراخیلماسی پروسسینه باشلاماغا و اونو باشا چاتدیرماغا حاضر اولدوغوموزو افاده ائتمیشیک. مناقشه اولمایاندا بو استروکتورو بوراخماق ممکن‌دور. حاضردا مناقشه وارمی؟ اراضی‌ده یوخدور، لاکین سند اوزرینده ده راضیلاشما یوخدور. بیزیم اوچون قرار آیدین‌دیر. بیز سازشی امضالامالی، همین گون مناقشه‌یه انستیتوسیونال اولاراق سون قویمالی و مینسک گروپونو بوراخمالیییق. هانسی سندین داها اول امضالانماسینین فرقی یوخدور»، - دئیه میرزویان وورغولاییب.

قید ائدک کی، پانئل اجلاسیندا چیخیش ائد‌ن جیحون بایرام‌اف صلح سازشی اوچون مینسک گروپونون بوراخیلماسی و ارمنستان کونستیتوسییاسیندان آذربایجانا تورپاق ادعالارینین چیخاریلماسی شرطینی تکرارلامیشدی.