«یروسلیم پوست» قزترینین دوننکی ساییندا «خامنه‌اینین آذربایجانا شخصی نفرتی» (خامنه‌ای’س پرسونال هاترئد اوف آذربایجان) آدلی مقاله تقدیم اولونوب. مقاله‌نین مؤلفی موردچای کئدار یازیر کی، ایران ایسلام رئسپوبلیکاسی شیمال قونشوسو آذربایجانا جدی دوشمه‌ن‌چی‌لیک هیس‌سی بسلییر. ایران اوزون ایللر آذربایجانی تکجه حربی یوخ، هم ده پسیخولوژی محاربه یولو ایله تهدید ائدیر. ایران آذربایجانلا باغلی چوخسای‌لی ساختا خبرلر، رئال‌لیق‌دان ایشیق ایلی قدر اوزاق معلوماتلار یاییر.

ایران‌دا حاکمیتین ان زیروه‌سینده دایانان بیر شخص بوتون فارسلارین آذربایجانا قارشی نفرتینی کؤروکلییر: رهبر علی خامنی.

«ایران داخلین‌ده آذربایجان خالقینا قارشی بو ایضاح اولونماز نفرتی اضاح ائتمه‌یه چالیشان بعضی معلوماتلارا گؤره، خامنه‌ینین آناسی ارمنی اصیل‌لی ایران‌لی‌دیر کی، بو دا اونون آذربایجانا اولان دوشمن‌چیلیینین منبعیی اولا بیلر. بو، هم ده خامنه‌اینین حاکمیتی دورونده ایرانین ارمنستانلا درینلشن علاقه‌لرینی ایضاح ائدیر».

عالی لیدرین خالقا آشیلاماق ایستدیی فکر اودور کی، آذربایجان اسرائیلین الین‌ده «صهیونیست آلته» چئوریلیب، یاخین شرق‌ده و قفقازدا رگیونال ثابت‌لییه تهلوکه یارادیر.

علی خامنینین آناسی ارمنی‌دیرمی؟ غرب منبع‌لری یازیر کی، علی خامنه‌ای ۱۹۳۹-جو ایلده مشهدده شرقی آذربایجان ویلایتینین خامنه شهریندن اولان خامنه‌ای عائله‌سینده آنادان اولوب. اونون آتاسی خامنه‌دن اولان اتنیک آذربایجان‌لی، آناسی ایسه یزددن اولان اتنیک فارس‌دیر.

رئال‌لیق ایسه بئله‌دیر کی، ایران‌دا فارس شووینیزمینه سؤیکه‌نه‌ن ملا رژیمی ارمنستانلا دوستلوق، آذربایجان ایله ایسه دوشمن‌چی‌لیک سیاستی یئریدیر. ملا رژیمینین ان باشین‌دا ایسه علی خامنه‌ای یئر آلیر. نه تهر اولا بیلر کی، ایرانین عالی لیدری ده، پرزیدنتی ده تورک اولسون. آنجاق اؤلکه‌ده توتال شکیلده آنتی-تورک تبلیغاتی آپاریلسین. بونو ساغلام منطیقله آنلاماق ساده‌جه ممکن دئییل.

تورک اولماسی ایله افتخار دویدوغونو دئیه‌ن مسعود پزشکیان ایران پرزیدنتی سئچیلدیکدن سونرا وضعیت خیلی دییشیب. مثلاً، مسعود پزشکیانین یوخاریدا وورغولادیغیم بیاناتی اونو دئمه‌یه اساس وئریر کی، بوندان سونرا ایراندا آنتیتورک سیاستی یئریتمک گئتدیکجه چتینلشه‌جک...