آوروپا بیرلیینین اهالی‌سی تاریخینده ایلک دفعه اولاراق ۴۵۰،۴ میلیون نفره چاتیب.

Axar.az خبر وئریر کی، بو باره‌ده آوروپا بیرلیی-نین استاتیستیکا خدمتی اولان "یوروستات"این یاییملادیغی سون حسابات‌دا قید اولونوب.

اهالی آرتیمی میگراسییا حسابینا ممکون اولوب.

۲۰۱۲-جی ایلدن بری آوروپا بیرلیینده هر ایل اؤلوم سوییه‌سی دوغوم سوییه‌سینی اوسته‌لییر. یعنی طبیعی آرتیم دئییل، یالنیز میگراسییا اهالینین سایینی آرتیریر.

متخصصلر بیلدیریرلر کی، اهالینین یاشلانماسی و آشاغی دوغوم گؤستریجیلری فونون‌دا بو وضعیت سوسیال تأمینات سیستملرینه جدی تضییقلر یارادیر و امک بازارین‌دا کسکین ایشچی چاتیشمازلیغینا سبب اولور.

۲۰۲۴-جو ایلده آوروپا بیرلیی-نین اهالی‌سی ۱،۰۷ میلیون نفر آرتیب. بو دؤورده ۱،۳ میلیون نفرلیک طبیعی آزالما باش وئریب: ۴،۸۲ میلیون انسان اؤلوب، ۳،۵۶ میلیون انسان دنیایا گلیب؛

۲،۳ میلیون نفرلیک میگراسییا آخینی ایسه بو آزالمادان داها چوخ اولوب و نتیجه‌ده عمومی آوروپا بیرلیی اهالی‌سینین ۴۷%-ی یالنیز اوچ اؤلکه‌نین پایینا دوشور:

آلمانیا

فرانسا

ایتالیا

اهالی آرتیمی ۲۷ آوروپا بیرلیی عضووندن ۱۹ اؤلکه‌ده قیده آلینیب، ۸ اؤلکه‌ده ایسه آزالما مشاهده اولونوب.

اهالی‌سی ان سرعتله آرتان اؤلکه‌لر:

مالتا: هر ۱۰۰۰ نفره +۱۹،۰

ایرلاندیا: +۱۶،۳

لوکسمبورگ: +۱۴،۷

اهالی‌سی ان چوخ آزالان اؤلکه‌لر:

لاتویا: -۹،۹

ماجاریستان: -۴،۷

پولشا و استونیا: هر بیری -۳،۴

"یوروستات" قید ائدیر کی، سون اون‌ایللیکلرده آوروپا بیرلیینده اهالی آرتیمی سرعتی خیلی ضعیفله‌ییب: ۱۹۶۰-جی ایللرده آوروپا بیرلیی اهالی‌سی ایلده ۳ میلیون نفر آرتیردیسا، ۲۰۰۵-۲۰۲۴-جو ایللرده بو رقم ۰،۹ میلیون نفره قدر دوشوب.