"پالستینو" کلوبو رسمی سوسیال مئدیا حسابیندا فلسطین ملی‌سینین سابق هجومچوسو سلیمان عبیدین وفات ائتدیینی اعلان ائدیب.

Axar.az خبر وئریر کی، ۴۱ یاشلی فوتبول‌چو اسرائیلین غزه‌ زولاغینا ائندیردیی هوا ضربه‌لری نتیجه‌سینده هلاک اولوب.

"کلوبوموز بو آغیر مقام‌دا بوتون فلسطین‌لی فوتبولچولارا و غیری-انسانی شرایطه قارشی دیرنیش گؤسترن فلسطین خالقینا قارداشجاسینا دستیینی افاده ائدیر.

بیز ایدمان تشکیلاتلارینی بو وضعیتی یئنی‌دن نظردن کئچیرمه‌یه چاغیریریق. چونکی ایدمانا قارشی بو جور آغیر جینایتلره گؤز یومولمامالیدیر"، – دئیه کلوبون آچیقلاماسین‌دا قید اولونوب.

سلیمان عبید بوتون کاریراسینی فلسطین چمپیوناتین‌دا کئچیریب. سرعتی و تکنیکاسی ایله تانینان فوتبولچو "فلسطین‌لی پئله" لقبینی قازانمیشدی. ملی کوماندادا ۱۸ اویون کئچیرن عبید ۲ قول ووروب.

فلسطین فوتبول آسوسیاسییاسینین یایدیغی معلوماتا گؤره، سون ۶۷۰ گون عرضینده ۸۰۷ ایدمانچی و مشق‌چی حیاتینی ایتیریب.