تبریزین «گسترش فولاد» فوتبال کلوبونون ایجراچی دیرکتورو ۱۷-جی سوپر لیقا یاریشلاریندا کوماندانین باش مشقچی‌سینین تعیین ائدیلمه‌سی حاقیندا قرار قبول ائدیب.

آخار. آذ خبر وئریر کی، قرارا اساساً کرواتییالی مشهور باش مشقچی لوکا بوناچیچ «گسترش فولاد»ین رسما باش مشقچیسی تعیین اولونوب. بو، کلوبلا باش مشقچی آراسیندا الده اولونان راضیلیقدان و مایین ۱۰-دا ایمضالانان مقاویله‌دن سونرا باش وئریب.

۲۰۱۱-جی ایلده ده «گسترش فولاد»این باش مشق‌چیسی اولان لوکا بوناچیچین گلن هفته‌دن ایشه باشلایاجاغی بیلدیریلیر.

۱۶-جی سوپر لیقا یاریشلاری باشا چاتدیقدان سونرا تبریز کومانداسینین باش مشقچیسی فراز کمالوند و کلوبون مدیری غلامرضا سمندر توتدوقلاری وظیفه‌دن ایستعفا وئریبلر، ایداره هئیتی هوشنگ نصیرزاده نی کلوبون یئنی مدیری کیمی تقدیم ائدیب.