موناکودا ایونون ۲۹-دا باش وئرمیش و اوکراینالی اولیگارخ وادیم یرمولایئو ده داخل اولماقلا اوچ نفرین یارالانماسینا سبب اولان پارتلاییشین اساس شبهه‌لیسی اوکراینانین پایتاختی کیئوده اؤلو تاپیلیب.

Axar.az خبر وئریر کی، گوله‌لنه‌رک اؤلدورولدویو بیلدیریله‌ن قادینین اوکراینایا قاییتدیقدان سونرا علاقه ساخلادیغی ایکی نفر ساخلانیلیب. استنطاقین معلوماتینا اساساً، اونلاردان بیری کئچمیش پلیس امکداشی، دیگری ایسه اوکراینا مدافعه ناظیرلیینین باش کشفیات اداره‌سینین امکداشیدیر.

اوکراینا حقوق-محافظه ارگانلارینین بیلدیردیینه گؤره، ساخلانیلان شخصلر اوللر شبهه‌لییه بانک حسابلاری و کریپتووالیوتا حسابلاری واسطه‌سیله پول کؤچوروبلر.

خاطیرلاداق کی، ایونون ۲۹-دا آناستاسیا برزووسکا کیشی قیافه‌سینده موناکودا یاشاییش بناسینین گیریشینه پارتلاییجی قورغو یئرلشدیررکه‌ن مشاهده کامرالاری طرفیندن قیده آلینیب. استنطاقین وئرسیاسینا گؤره، او، وادیم یرمولایئو، اونون حیات یولداشی و ۱۳ یاشلی اوشاق بنانین قارشیسیندان کئچرکه‌ن اوزاقدان دتوناتورو ایشه سالیب.