سون بیر ایل عرضین‌ده ایالت میللی چئمپیوناتین‌دا جدی ایرلیلییشلر الده ائدیب.

آذنیوز. تی وی خبر وئریر کی، بو سؤزلری شرقی آذربایجانین قیزلار کومان‌داسینی قاچیش یاریشلارین‌دا تمثیل ائد‌ن زینب احمدپور دئییب. تبریزده کئچیریله‌ن میللی چمپیوناتین گوموش مکافات‌چی‌سی اولان احمدپور ایدمان ساحه‌سین‌ده‌کی یولون‌دان دانیشیب:

«اسکای رانینگ» و «تئرئیل رانینگ» اوزره اؤلکه چئمپیونو اولموشام. تخمیناً، بیر ایل یاریم‌دیر کی، «اوزون مسافه‌یه قاچیش» ساحه‌سین‌ده مشق ائدیرم. تهران‌دا کئچیریله‌ن اؤلکه چمپیوناتی تورنیرین‌ده شرقی آذربایجان‌دان اولان زهرا آفغمدن سونرا گوموش مئدال قازانمیشام. تورنیرده ۵ ایدمانچیمیز وار، ۴ مئدال قازاندیق. چوخ ایدمان‌چی ایله یاریشلارا قاتیلا بیلسیدیک، داها یاخشی نتیجه‌لر قازاناجاقدیق. شرقی آذربایجان ایالتینین قادین کومان‌داسی سون بیر ایل عرضین‌ده اهمیت‌لی ایرلیلییش الده ائتدی. لازیمی دستییمیز اولارسا، گله‌جک ایللرده داها چوخ دانیشماغا سؤزوموز اولاجاق. من مشق‌چی‌سیز بو تورنیره قاتیلدیم. مشقچیم اولسای‌دی، مطلق داها آز زامان‌دا بو یاریشی بیتیرجکدیم».