آنا صحیفه ایدمان |
«مسجید سلیمان»لا قارشیلاشمادا هجوم زامانی معین سهولریمیز اولسا دا، بعضا اودوزماماق اؤزو ده پیس نتیجه حساب ائدیلمیر.
بو سؤزلری «تراکتور» فوتبول کومانداسینین باش مشقچیسی مصطفی دنیزلی دئییب. او، ایران پرمیر لیگاسی اویونلاری چرچیوهسینده «تراکتور»- «مسجید سلیمان» کوماندالاری آراسیندا کئچیریلن اویونلا باغلی تصوراتلارینی بؤلوشوب:
«بو، بیزیم بیرینجی موسابیقهمیز ایدی. سؤزسوز کی، بیرینجی موسابیقه اولدوقجا چتین اولور. بیز هله لازیم اولان حاضرلیق سوییهسینه چاتمامیشیق، هوجومدا بعضی سهولریمیز اولدو. لاکین عمومیلیکده یاخشی اویون کئچدی. اونوتمایاق کی، قارشی طرفین ائوینده اویناییرسانسا، اوندا اودوزماماق اؤزو بیر نؤو اودوش ساییلیر. بوندان علاوه، هاوا وضعیتی اولدوقجا الوئریشسیز ایدی و بو دا وضعیتی بیر قدر چتینلشدیردی. بیز الیمیزدن گلنی ائتدیک، لاکین بعضا نتیجه ایستدییمیز کیمی اولمور. کوماندامدان راضییام و البته کی، رقیب کوماندایا حؤرمتیمیز وار. همیشه ایران فوتبولونا بؤیوک ایشلر گؤرمیی آرزولامیشام. ایشین اولی چتین اولسا دا، داوام ائتدیرمهسی اوندان دا چتین اولور. من کوماندامدان چئمپیونلوق گؤزلییرم و اویونچولارلا بیرلیکده بو هدییهنی تبریزلیلره وئرجییک».
قید ائدک کی، دونن ایران پرمیر لیگاسینین اویونلاری باشلاییب. اویونلارین ایلک گونو ساعت ۲۰:۱۵-ده «تراکتور»- «مسجید سلیمان» کوماندالاری اوز-اوزه گلیب.
تاریخ
2019.08.23 / 22:38
|
مولف
Axar.az
|