آرتیق عائله‌می حاکم‌لییه قوربان ائتمه‌یه‌جه‌یه‌م.

آخار. آذ خبر وئریر کی، بو سؤزلری ایران فوتبولونون سوپر لیگاسین‌دا حاکم‌لیک ائد‌ن علیرضا فغانی «فارس» خبر آگنتلیینه دانیشارکه‌ن دئییب.

«۲۰۱۸-جی ایل روسییاده کئچیریله‌ن دونیا چمپیوناتین‌دان سونرا عائله‌مین یانین‌دا اولماغا شرایط یاراتماغا چالیشیردیم. عائله‌م باشقا یئرده یاشاماق ایسته‌دی. اونا گؤره ده آوسترالییادا ایقامتگاه آلدیم. اگر ایسترسه‌م حاکم‌لیک ائد‌جه‌یه‌م. اگر بین الخالق اویونلارا چاغیرسالار، ایران آدی آلتین‌دا ایشتیراک ائد‌جه‌م. یارانان شرایطه گؤره منیم ایران‌دا حاکم‌لیک ائتمک احتیمالیم چوخ آزدیر. احتیمالا «ایستیقلال»-«فولاد» سون حاکیملییم اولاجاق. کسین‌لیکله، ۳-۴ هفته‌یه کیمی آوسترالییایا گئده‌جه‌م»، – فغانی بیلدیریب.

جاری ایلین ۲-جی هفته‌سین‌ده کئچیریله‌ن «ایستیقلال»-«فولاد» اویونونون حاکمی سون گونلرده «ایستیقلال» طرفدارلارینین تنقیدلری ایله اوزلشیب.

قید ائدک کی، علیرضا فغانی ۲۰۱۴-۱۵-جی ایلده، شهریورین ۲۵-ی «سهند» ایستادیونون‌دا «تراکتور»لا تهرانین «نفت» کلوبلاری آراسین‌دا کئچیریله‌ن اویونون حاکمی اولوب. بیر چوخ فوتبال متخصصلرینین فیکرینجه، بو اویون حاکمین یانلیشلاری اوزون‌دن «تراکتور» چئمپیون‌لوغو الده‌ن وئریب. همین اویون‌دا «تراکتور»دان ۱ اویون‌چو شوبهه‌لی اولاراق قیرمیزی کارتلا کنارلاشدیریلدی. عینی زامان‌دا «تراکتور» علیهینه شوبهه‌لی پنالتی اعلان ائدیلدی.