اصلن گونئی آذربایجانلی اولان تانینمیش خانیم ایدمانچی کیمیا علیزاده بولغاریستانین تاکووندو اوزره ملی کمانداسینین عضوو اولوب.

Axar.az خبر وئریر کی، بو باره‌ده بلغاریستان تاکووندو فدراسییاسینین رهبری سلاوی بانو معلومات یاییب.

او، آلمانییا، بلچیکا و باشقا بیر نئچه اؤلکه‌نین کیمیا علیزاده‌نی اؤز کوماندالارینا دعوت ائتمه‌لرینه باخمایاراق، آذربایجان‌لی ایدمانچینین بولغاریستانی سئچدیینه گؤره اونا تشکر ائدیب.

«سندلری تئز حاضرلاماق اوچون حکومتله علاقه ساخلاییریق. یاخین بیر نئچه گون عرضین‌ده حکومت‌دن ماکسیموم دستک گؤزلییریک»،- او بیلدیریب.

خانیم ایدمانچینین بولغاریستانین ملی ییغماسینا قوشولماسی بو اؤلکه‌نین دؤولت تلویزییاسی و مئدیاسی طرفین‌دن ده گئنیش ایشیقلاندیریلیب.

«هر ماتچدا ۱۰۰ فایز گوجومله اشتراک ائدجییمه سؤز وئریرم. کئچمیش کئچمیش‌ده قالدی، آرتیق گله‌جه‌یه باخیرام. هیجانلییام و بولغاریستان اوچون الیم‌دن گلنی ائد‌جه‌یه‌م»،- علیزاده بولغاریستانین دولت تلویزیاسینا مصاحیبه‌سینده بیلدیریب.

قید ائدک کی، ک.علیزاده ۱۹۹۸-جی ایلده ایرانین کرج شهرینده آذربایجانلی عائله‌سینده آنادان اولوب. آتاسی شرقی آذربایجانین زونوز شهرین‌دن، آناسی ایسه اردبیل شهریندندیر. او، تاکووندو و ایران قادین ایدمانی اوزره اؤلکه و بین‌الخالق میقیاسدا ۶ تاریخی رکوردا امضا آتیب. ایرانین اولیمپییا اویونلارین‌دا مئدال آلان یگانه قادین ایدمانچی‌سی ک.علیزاده ۲۰۲۰-جی ایلین یانواریندا ایرانین ایدمانچیلاردان سیاسی مقصدلرله استفاده ائتدیینی سؤیله‌ییب، بو سیستمین عدالتسیزلیینی و ریاکارلیغینی قیناییب و اؤلکه‌نی همیشه‌لیک ترک ائتدیینی بیلدیریب.