۵ آوگوست (ایران تقویمی ایله ۱۴ مرداد) ایران‌دا مشروطه انقلابی‌نین غلبه‌سینین ایلدؤنومونو تبریز گونو کیمی قید اولونور.

Kult.az خبر وئریر کی، بو گونون کئچیریلمه‌سی هم ده، شهرین یای توریزمینین یوکسه‌لیشی مقصدی داشیییر.

۲۰۱۸-جی ایل سنتیابرین ۱۸-ده تهران شهر شوراسینین عضوو احمد مسجدجامعی ایلک دفعه تبریز شهر شوراسی عضولرینه ایران تقویمین‌ده بیر گونون «تبریز گونو» کیمی قید اولونماسینی تکلیف ائدیب.

بوندان سونرا ۲۰۱۹-جو ایلده تبریزین او واختکی مری ایرج شهین باهر مسئله‌نین رسمیلشدیریلمه‌سی اوچون چالیشیب.

او، رسمی ایران تقویمین‌ده قیدیات‌دان کئچمک اوچون مشروطه انقیلابینین غلبه‌سی و مظفرالدین شاه طرفین‌دن کونستیتوسییا فرمانینین امضالانماسینین ایلدؤنومونون (۱۴ مرداد- ۵ آوگوست ۱۹۰۶-جی ایل) «تبریز گونو» کیمی قید اولونماسینی تکلیف ائدیب.

تبریز شهر شوراسینین مدنیت و اجتماعی کومیسیاسی طرفیندن تصدیق ائدیلدیکدن سونرا ۲۳ نویابر ۲۰۱۹-جو ایل تاریخینده شرقی آذربایجان ایالتینین عمومی مدنیت شوراسی ۵ آوگوستون (۱۴ مرداد) "تبریز گونو" کیمی قید ائدیلمه‌سینی تصدیق ائدیب.

هر ایل "تبریز گونو"نده شهرین مختلیف بؤلگه‌لرین‌ده مدنی تدبیرلر کئچیریلیر، تبریزین تاریخی، مدنی ارثی تانیتدیریلیر، کنسرتلر و باشقا مدنی تدبیرلر تشکیل اولونور.