اردبیل‌لی موغه‌ننی، صنعتچی ربابه مرادووانین آنیم گونودور.

Kult.az خبر وئریر کی، روبابه مرادووا (اشراقی) ۲۲ مارت ۱۹۳۳-جو ایلده اردبیل شهرین‌ده آنادان اولوب.

۱۹۴۶-جی ایلده جنوبی آذربایجان ملی حکومتی دئوریلدیکدن سونرا ربابه مرادووانین آتاسی حبس ائدیلیر.

۱۶ یاشلی روبابه، ایکی باجی‌سی، اوچ قارداشی و آناسی ایله بیرلیکده آرازین شمالینا، آذربایجان سووئت سوسیالیست رسپوبلیکاسینا مهاجرت ائتمه‌یه مجبور اولور.

بیر مدت صابرآباد دؤولت درام تئاترین‌دا ایشله‌یه‌ن گنج صنعتچینی علسگر علی‌اکبروو تصادفا گؤرور و اونو باکی‌یا فیلارمونیایا دعوت ائدیر.

۱۹۵۱–۱۹۵۵-جی ایللرده آصف زینال‌لی آدینا باکی موسیقی مکتبین‌ده (سید شوشینسکینین صینفینده) تحصیل آلان مرادووا، ۱۹۵۴-جو ایلده‌ن عمرونون سونونا کیمی آذربایجان دولت اوپرا و بالت تئاتریندا اولجه سولیست، سونرا مشق‌چی-پداقوق اولوب.

۲۸ آوگوست ۱۹۸۳-جو ایلده قاراجیر سئروزون‌دان باکی‌دا وفات ائد‌ن اردبیل‌لی صنعت‌چی یاسامال قبریستانلیغین‌دا دفن ائدیلیب.

"قاراگیله"، "حیدربابا سلام"، "ندن اولدو"، "اونودا بیلمیرم"، "اوجا داغلار باشین‌دا" ربابه مرادووانین ان چوخ بیه‌نیله‌ن و مشهورلاشان ماهنیلاریدیر.