تورکیه‌نین «مهمت: فتحلر سلطانی» سریالین‌دا اوزون حسنین آناسی سارا خاتون اوبرازینی جانلاندیراجاق آکتریسا سلما گونرینی ایزلییجیلر تنقید آتشینه توتوب. اوزونه بوتوکس ائتدیرمیش آکتریسانین سارا خاتون رولونو اویناماسی بیرمعنالی قارشیلانماییب.

سؤزوگئدن موضوعلا باغلی Kult.az-آ آچیقلاما وئرن کینوشناس سئودا سلطانووا بیلدیریب کی، اؤز پئشه‌سینه حرمت ائد‌ن آکتریسا هر هانسی‌سا اوز عملیاتی کئچیرمه‌مه‌لیدیر.

اونون سؤزلرینه گؤره، آکتیورون سیماسی اونون باشلیجا آلتیدیر:

«آکتریسا اوچون استتیک عملیات ائتدیرمک پئشه‌کارلیق مسئله‌سی‌دیر. تأسف کی، بیزده ده، خارجی اؤلکه‌لرده ده بونو ائدیرلر. مشهور اسپان رژیسورو پدرو آلمودووار دئییر کی، طبیعی اوز ایفاده‌لری اولان آکتریسا تاپا بیلمیرم. دنیا شهرت‌لی آکتریسالار – مریل استریپ، جولیا روبرتس استتیک عملیاتلاردان امتنا ائدیبلر.

تأسف کی، آکتیورلار دا اوزلرینه مختلف پروسدورلار ائدیر. اؤز ایشینه حرمت ائد‌ن رژیسور دا بئله آکتیور و آکتریسالارلا ایشله‌مه‌مه‌لیدیر. چونکی فیلم آکتیورلار اوزرینده قورولور».