دونه‌ن اورمیا اونیورسیتتینده کئچیریله‌ن «چیلله گئجه‌سی» آدلی مدنی پروگرام زمانی مین‌دن آرتیق اؤیرنجی «آذربایجان» آدینی بیرگه سسلندیریب.

Kult.az خبر وئریر کی، بو باره‌ده یئرلی سوسیال مدیادا گؤرونتولر یاییلیب.

طلبه‌لرین بیرگه «آذربایجان» دئمه‌سی آذربایجان خالقینین کیم‌لیی، مدنیتی و تاریخی طلبلرینه دقت چکه‌ن گوج‌لو اجتماعی مساژ کیمی دیرلندیریلیب.

تدبیر گنجلرین مدنی لاقیدلییه و کیم‌لیک مختلفلیینین یئترینجه نظره آلینماماسینا اعتراضینی ایفاده ائد‌ن دینج و شعورلو آکسییا کیمی تقدیم اولونوب. طلبه‌لر اونیورسیتتین یالنیز تحصیل دئییل، هم ده معارفله‌ندیرمه و مدنی-سوسیال عدالت طلبلرینین ایفاده اولوندوغو پلاتفورما اولدوغونو وورغولاییبلار.

پروگرام چرچیوه‌سینده مشهور «آیریلیق» نغمه‌سی ده بیرگه ایفا ائدیلیب و تدبیرده جوشقون مدنی آب-هوا یارادیلیب. «چیلله گئجه‌سی» اورمییا اونیورسیتتینین آذربایجان درنیینین تشببوسو و اونیورسیتتین مدنیت اوزره رهبرلیینین امکداشلیغی ایله تشکیل اولونوب.