تورکلرین، او جمله‌دن آذربایجان‌لیلارین اینانجلاریندا قیش اوچ یئره بؤلونور: بؤیوک چیلله، کیچیک چیلله و بایرام آیی.

Kult.az خبر وئریر کی، قیشین ایلک آیی چیلله گئجه‌سی باشلاییر.

ایلین ان اوزون گئجه‌سی اولان قیشین ایلک گئجه‌سی قیرخ گونلوک بؤیوک چیلله باشلاییر.

بؤیوک چیلله‌دن سونرا ایگیرمی گونلوک کیچیک چیلله باشلاییر. بون‌دان سونرا ایسه ۳۰ گون مدتینه بایرام آیی اولور.

بؤیوک چیله‌دن دؤرد گون قالان و کیچیک چیلله‌نین ایلک اوچ گونلرینه خیدیر و یا قاری ننه ده دئییلیر.

بو ۷ گون قیشین ان سویوق گونلری و ان چوخ قار یاغان واختی اولدوغو اوچون بونونلا باغلی دییم ده یارانیب: "خیدیر گلدی، قیش گلدی، خیدیر چیخدی، قیش بیتدی".

آذربایجان ناغیللارینا گؤره، بو یئددی گون قاری ننه (قوجا ننه) آدلاندیر. قاری ننه، انسانلاری سویوق، قار و شاختادان قورویور.