نیگار عاریف ۱۹۹۳جو ایل ۲۰ یانواردا مینگه چئویر شهرینده آنادان اولوبدور. ۲۰۰۸جی ایلده اوزئییر هاجی بئیوو آدینا پیانو اوزره ۷ ایللیک موسیقی تحصیلینی،۲۰۱۰جو ایلده اورتا مکتبی بیتیردیکدن سونرا آذربایجان دوولت پئداقوژی اونیوئرسیتئتینین اینگیلیس دیلی فاکولتسینه داخیل اولوب و ۲۰۱۴جو ایلده اوگورلا باشا چاتدیریب. و همین ایلدن بَری اینگیلیس دیلی موعللیمی کیمی فعالیت گوسترمکده دیر.

یوخ‌سان...

گؤزلریم یوخلوغون‌دا یول چکیر!

یئنه توخونوب کنار سمتلره،

اوزون دوشونجه‌مین اوزون سددینه،

اوزاقلارا دالیب باخیشلاریملا

آشیب اؤز یئرینی،اؤز سرحدینی،

فیکیرلر ایچین‌ده رسمینی چکیر.

یوخ‌سان...گؤزلریم یوخلوغون‌دا یول چکیر!

ائله بیلکی بو آندا،

قلبیمین دؤیونتوسو حیسلریم‌ده گزیشیر.

ایچیم‌ده وورنوخان بو دوشونجه‌دن،

احوالیم دَییشیر، گونوم دَییشیر.

پوزولور واختین دا کئچه‌ن آهنگی،

بوسبوتون دونیامین بوتون قایه‌سی.

ساعتیم‌دا ائله بیل عقربلر ده چکیشیر،

یوخ‌سان...هئچ بیلیرسن بو یول‌دا زامان نئجه گئج کئچیر؟