کیش‌لیلر «گلرسن-گؤررسن» قالاسینا «قیز»، گاه دا «قیزلار قالاسی» دئییرلر. قیز «آلینمازلیق» و «مغلوبئدیلمزلیک» آنلامینی ایفاده ائدیر.
آخار. آز خبر وئریر کی، بو قالا باره‌سین‌ده معلومات وئره‌ن یئگانه منبع‌لر کریم آغا فاتئحین و حاجی سید عبدول حمید افندینین اثرلری‌دیر. همین منبع‌لرده بو قالا «قیزلار» آدی ایله دئییل، «گلرسن-گؤررسن» آدی ایله خاطیرلانیر.
«گلرسه‌ن-گؤررسه‌ن» قالاسی کیش کندینین شیمال-شرقین‌ده، کیش چایینین قوللارین‌دان بیری اولان دامارچین چایینین سول ساحلین‌ده، قاراتپه داغینین اوزرین‌ده یئرلشیر. قاراتپه داغینین آرخاسین‌دا ایسه یوکسک داغلار سیرالانیر. قالانین بئله بیر یئرده سالینماسینین اساس مقصدی اودور کی، قالایا اؤنده‌ن، آرخادان و چای طرف‌دن قایا سیل‌دیریم اولدوغونا گؤره هوجوم ائتمک مومکون دئییل. لئو تولستویون «حاجی موراد» اثرینین قهره‌مانلارینین باشینا گلن حادثه‌لر بو قالادا جریان ائدیر.
«گلرسه‌ن-گؤررسه‌ن» آدینین یارانماسی حاق‌دا دانیشارکن بئله روایت ائدیرلر کی، اوزبه اوز دوران قوشونلار اوزاق‌دان-اوزاغا، قیشقیرا-قیشقیرا دانیشا بیلیرلرمیش. بیر دفعه نادیر شاه اؤزو دانیشیغا گیریر و سوروشور: «او نئجه قالادیر کی، اونو آلماق اولمور؟». اونا جاواب وئریرلر: «گلرسن-گؤررسن». ائله او واختدان قالا بئله آدلانیر. قالا حاضردا داغیلمیش وضعیت‌ده‌دیر و جدی تعمیر ایشلرینین آپاریلماسی لازیم‌دیر. قالانین موختلیف حیصه‌لری داغیلمیش وضعیت‌ده، بیر-بیرینه یاخین اراضیلرده یئرلشیر. ایندی قالایا سیاحتلر تشکیل اولونور و توریستلره آچیق شکیل‌ده بورا داخیل اولماغا ایجازه وئریلیر.