شاعر غفور ایمامیزاده ۱۹۷۸-جی ایلده ایرانین خیاو (مئشکین) شهرینده آنادان اولوب. اصفهان اونیوئرسیتئتینین تئکنیکی موهندیس‌لیک فاکولته‌سین‌ده تحصیل آلیب. حاضردا خیاودا معلم ایشلییر.
آخار. آز شاعر، یازی‌چی غفور ایمامیزاده ایله موصاحیبه‌نی تقدیم ائدیر:
- قافور بی، اولجه سیزی تورکییه‌ده کئچیریله‌ن ۴-جو بئین الخالق محمود کاشغاری حکایه یاریشماسین‌دا بیرینجی یئره لاییق گؤرولمیینیز موناسیبتی ایله تبریک ائدیره‌م.
- چوخ ساغ اولون، میننتدارام. بو خبرین آذربایجان‌دا دا سئوینجله قارشیلانماسی منی سئویندیردی.
- مومکون‌سه، حاظیرکی و بون‌دان سونراکی فعالیتینیز حاق‌دا دانیشاردینیز.
- حاضردا ادبیات و دونیا فلسفه‌سی اوزره آراشدیرمالار آپاریرام. فلسفه ایله ادبیات آیریلماز دونیالاردیر. بونلار منیم عؤمورلوک پئشه‌لریم‌دیر. ادبیاتیمیزدا فلسفه‌نین ایزی و اییی یوخدور. بونو آشیلاماق گرک‌دیر.
- دونیا فلسفه‌سینی آراشدیردیغینیزی و بو ساحه‌ده چالیشدیغینیزی بیلدیردینیز. سون ایللرده ایران‌دا بو مؤوضو ایله باغلی بیر سیرا چتین‌لیکلر یارادیلیب. بو، سیزه مانع اولورمو؟
- من بو چتین‌لیکلره اهمیت وئرمیرم. سارتر، میگئل دونامو و بو کیمی دیگر بؤیوک موتفککیرلر هر شئی‌دن اول اینسانلیغا عاییددیر. چتین‌لیکلر بو فیلسوفلاری آراشدیرماغا انگل تؤره‌ده بیلمز.
- «قیرمیزیم» حکایه‌نیزی دیگر حکایه‌لردن فرقلن‌دیره‌ن خصوصیت ندیر؟
- من «قیرمیزیم» حکایه‌سینی یازارکن آغلامیشام. بو قدرینی سؤیله‌یه بیلره‌م.
- دئمک، سیز بو حکایه‌نی درین حیسلرله یازمیسینیز...
- ائله دیر. عؤمرومون ان درین و تأثیرلی حیسلرینی ادبیات‌دا گؤردوم. ادبیات و فلسفه منیم دونیادا، قیسا عؤمرومده ان سون خیلاص کاریم‌دیر.
- او حیسلرینیزی قلمه آلا بیلمیسینیز؟
- چالیشیرام قلمه آلیم... بیزده دیل پروبلئمی وار. ادبیاتیمیزدا بیر اؤنملی پروبلئم مؤوجوددور: فارسجا اوخویوب، تورکجه یازماق. اورتایا چیخان بو ایکیلی فازادا اؤنملی اثر یارانا بیلمیر. تئز بیر زامان‌دا بونو حل ائتملیییک. اورتاداکی فرق‌لی‌لیک تئزلیکله آرادان قالدیریلمالی، کلمه فرقلی‌لیگی حل ائدیلمه‌لی‌دیر.
- حکایه‌لرینیزی قلمه آلینماسین‌دا حیاتینیزدا باش وئره‌ن هر هان‌سی بیر حادثه‌نین تأثیری اولوبمو؟
- حیات باش‌دان-باشا حادثه‌دیر. بعضی مسئله‌لر بیزیم گوجوموز داخیلین‌ده دئییل، اما بعضا ائله بو موحیطین اؤزون‌ده ده بیر سیرا یوکسک سوییه‌لی اثرلر اورتایا چیخیر.
- سیز فارسجا اوخوموسونوز، طبیعی، فارس دیلینی ده گؤزل بیلیرسینیز. اما آذربایجان تورکجه‌سین‌ده یازیرسینیز و گؤزل آلینیر. فارس دیلین‌ده ده یازسانیز، بئله اثر یارادا بیلرسینیزمی؟
- من تورک دیلین‌ده چوخ اثر اوخوموشام. بدیعی اثرلریمی آذربایجان دیلیندن باشقا بیر دیتده یارادا بیلمره‌م. بو، منیم یاشام شرطلریمله علاقداردیر. بیزی ایر‌لی آپاران گوجلر حیات طرزیمیزی، فیکیر سرحدلریمیزی، دویغولاریمیزی بئله دییشمک ایستییر. بونو بیلمک و گؤرمک درین، جدی موطالعه طلب ائدیر. موطالعه‌یه سبب، واخت، مالییه وسایتی لازیم‌دیر. بونلار کاسیب بیر خالق اوچون الچاتان دئییل. فردی ایستعدادین اثرلر یاراتماق‌دا آز-چوخ تأثیری وار. آنجاق بیزیم پروبلئملریمیز بونونلا حل اولونمور.
- هله‌لیک سون اولاراق نه دئمک ایستردینیز؟
- آرزو ائدیره‌م، ادبیاتیمیز، حیاتیمیز، فیکیر سوییه‌میز دونیانین اینکیشاف ائتمیش خالقلاری سوییه‌سینه چاتسین. دوستلوق، گؤزل و صمیمی بیر حیات آرزولاییرام هر کسه.