۲۰۰۹-جو ایلده تورکییه‌ده بیر پروگرام‌دا آذربایجانین مشهور بسته کاری ائمین صابیت اوغلونون «داغلار» ماهنی‌سینی ائرمه‌نیجه اوخویان و بونو ائرمنی خالق ماهنیسی کیمی تقدیم ائد‌ن اؤزجان دنیز آذربایجان خالقین‌دان عذر ایسته‌ییب.

آخار. آذ خبر وئریر کی، اؤتن گون بیر پایلاشیملا گونده‌مه چئوریله‌ن و بوتون سوسیال شبکه و مئدیانی احاطه‌له‌یه‌ن، اؤزجان دنیزین عونوانینا کسکین قیناقلارلا موشاییت اولونان یازیلارا تورکییه‌لی موغه‌ننی اینستاگرام صحیفه‌سینده رئاکسییا وئریب. ائمین ثابیت اوغلونون ماهنیسی اولدوغونو بیلمه‌دن سهو ائتدیینی قئید ائد‌ن موغه‌ننی یازیب:

«عزیز آذربایجانلی قارداشلاریم، تقریباً ۱۰ ایل اول "مدنیت کؤرپولری" آدلی کونسئرت پروگرامیمیز واردی. بو کونسئرت‌ده مئسوپوتامییایا عایید بیر چوخ دیلده ماهنیلار سسله ندیردیک. بو لاییحه‌نن تانیتیمی اوچون ۸ ایل اول چیخدیغیم پروگرام ایدی بو.

رئپئرتواردا ایسپان و اینگیلیسجه ماهنیلار دا واردی. کانال-۲۴-ده یاییملانان "کافا دئنگی" پروگرامینا دا تقریباً ۱۰ ایل اول بو کونسئرتلرین تانیتیمی اوچون چیخمیشدیم و اوخودوغوم ماهنی او آن ازبریم‌ده اولان بیر ماهنی ایدی. ائمین ثابیت اوغلودان بحث ائتمه‌لی ایدیم، حاقلیسینیز. بونون اوچون سیزلردن عذر ایسته‌یه بیلرم. ملوماتسیزلیغیما گؤره عذرلو حساب ائدین. من آرتیق صحنه‌یه چیخمیرام. تقریباً ۱۰ ایل اولین کونسئرت و تئلئویزییا پروگرامی ایدی بو. حتی او پروگرامی خاطیرلامیرام. صنعتین دیلی، دینی، ایرقی اولماز. سیزده اورادا هانسی مطبوعات نه دئییر، ندن بحث ائدیر، بیلمیرم، اما تحریف ائد‌رک دئدیکلری دقیق‌دیر.

من صنعت‌چییه‌م. یئر اوزون‌ده‌کی هئچ بیر مدنیته دوشمن اولا بیلمره‌م. سیاست منیم ایشیم دئییل. بو پیس نیتلی داورانیش منی آزی سیزین قدر مایوس ائتدی، همچینین عصبیله شدیردی. کئچمیشده یاشادیغینیز آغری-آجیلاری آزی سیزین قدر بیلیرم، حیسس ائدیره‌م و یانینیزدایام. آذربایجانلی دوستلاریم بیلیر: من هر ایل خوجالی قتلی عامینین ایل دؤنومونده آجینیزی پایلاشیرام. بیر نئچه دفعه شهیدلر خیابانینا گئدیب دعا ائتمیشه‌م. الله دا بیلیر کی، چکدییمیز سئریاللاردا آذربایجان خالقینین آشاغیلایا بیله‌جک ایسته‌نیله‌ن سسئنارییه قارشی چیخمیشام. بیز قارداشیق. تورک فیلمینی آذربایجانا گتیره‌ن منه‌م. تورکییه‌ده آذربایجان صنعتچی لرینین کونسئرتینین تشکیلاتچی‌لیغینی دا ایلک دفعه من ائتمیشه‌م. حاضیردا آذربایجانلی دوستلاریمیزلا ایکی قارداش اؤلکه‌نین اورتاق عابده‌سی اولان «کوراوغلو» داستانینی چکمک اوچون موذاکیره‌لر آپاریریق. باکی هر زامان منیم ایکینجی شهریم‌دیر، آذربایجان‌لی قارداشلاریم دا هر زامان منیم دوستلاریم اولاجاقلار. بونا ضرر وئرمک ایسته‌یه‌نلرین پیسلیگی اؤزلرینه قالاجاق. سیزلری سئویرم و پیس نیتلی آداملارا دئییل، قلبیمه اینانین. اللها امانت اولون».

موغه‌ننی و آکتیور اؤزجان دنیز بو سؤزلری اؤز ایفاسین‌دا «گل، ائی سحر» ماهنی‌سینی پایلاشیب.