بو گون قانلی ۲۰ یانوار فاجعه‌سینین ۲۷ ایلی تامام اولور.

کولت. آذ شاعر عالم کنگرلینین ایسته یی ایله اونون "۲۰ یانوار" آدلی شعیرینی تقدیم ائدیر.

۲۰ یانوار

۲۰ یانوار-قفیل هوجوم،

دوشمن آلدی دؤرد بیر یانی.

باتدی یاسا آذربایجان،

دؤندو سئله شهید قانی.

دنیز، هاوا، یئر تیتره‌دی

مرمیلرین شدتیندن.

ویجدان‌سیزلار اوتانمادی

میلیونلارین هیددتین‌دن.

گوله له‌ن‌دی کیشی، قادین،

کؤرپه، جاوان، قوجا-هامی.

گؤروب، دوشمن مات قالمیش‌دی،

الی یالین ایزدیهامی.

تانکلار، توپلار اود اله دی،

اورکلری ییخدی آغری.

قددار، ایرنج بیر وحشی‌لیک...

وطنیمین یاندی باغری.

مغرورلاری قورخوتمادی

نه ایشگه‌نجه، نه ده ذلت،

اسارته باش ایمه‌دی

آزادلیغی سئوه‌ن میللت!

یئره-گؤیه سیغماسا دا،

آنالارین آهی، اونو،

کؤله‌لیگی دیز چؤکدوردو

خالقین اؤلوم-قالیم گونو!

ایمپئرییا قانلار تؤکوب،

گؤزسترسه ده، بو خوفونو،

بیرلییمیز محو ائلدی

موستملکه بوخووونو!

ایندی او گون بیر داستان‌دیر

هر واراغی هونر دولو،

آذربایجان تاریخی‌دیر

شهیدلرین عؤمور یولو!..