تبریزده اوشاقلار اوچون «ویزویزی و قیرمیزی» آدلی کوکلا تاماشاسی صحنه‌یه قویولوب.
آخار. آذ خبر وئریر کی، علی برنونون رژیسسورو اولدوغو تاماشا آپرلین ۲۱-دن مایین ۵-نه قدر گؤستریله‌جک. کوکلا تاماشاسی تبریزین «۲۲ بهمن» مدنیت و اینجه صنعت کومپلک‌سینده صحنلشدیریلیب.
تبریز مطبوعاتینا آچیقلاما وئره‌ن برنونا بو تاماشانین آرتیق تبریزده ایکینجی دفعه نماییش اولوندوغونو بیلدیریب:
«تاماشا موسیقیلیدیر و اونون اساس دیلی تورک دیلیدیر. «ویزویزی و قیرمیزی» «آذربایجان افسانه‌لری کیتابی»ندان ایلهام‌لاناراق حاضیرلانیب. همین کیتابدا «ویزویزی» آدلی بیر داستان وار. تاماشا ویزویزی آدلی بیر آریدان بحث ائدیر. ایرقی فرقینه گؤره شانیدان قووولان آری مئشه‌ده میلچک و میغمیغا موسیقی قروپو ایله تانیش اولور و هیجانلی بیر داستان باشلاییر».