«ساغلاملیق هفته‌سی»نین ایکینجی گونونده ماراغا شهرینده «ساغلام قیدا» فستیوالی کئچیریلیب.

کولت. آذ «یول پرس»ا ایستینادلا خبر وئریر کی، فستیوالدا ماراغا و اطراف کندلردن اولان ۱۴۰ قادین ایشتیراک ائدیب. فستیوال ایشتیراکچیلاری اساساً یئرلی متبخدن ۶۰ نؤع یئمک تقدیم ائدیبلر.

بیشیریلن یئمکلر اساساً مختلیف شوربالار، پیتی، کوفته، کوکو و دولمادان عبارت اولوب. یئمکلرده ان چوخ طبیعی داغ بیتکیلری، او جمله‌دن، قارتره‌سی، کنگر، قازیایاغی و س. ایستیفاده اولونوب.

فستیوالین تشکیلات‌چیسی اولان ماراغا طیبب اونیورسیتتینین ساغلیق مسئله‌لری اوزره پرورکتورو احمد مجتهدی فستیوالین کئچیریلمه‌سینده اساس مقصدین ساغلام یئرلی یئمکلرین خالق آراسیندا تانیدیلماسی اولدوغونو بیلدیریب. اونون سؤزلرینه گؤره، «ساغلام یئمک» دئیه‌نده اساس اؤلچو واحیدی بیتکیلر، پاخلاگیللر و تاخیل محصوللاریندان ایستیفاده ائدیله‌رک حاضرلانان یئمکلر نظرده توتولور. او، همچینین، علاوه ائدیب کی، ساغلام قیدادا شکر، دوز و یاغدان آز ایستیفاده اولونمالیدی.

فستیوالین سونوندا ایشتیراکچیلاردان ۱۰ نفره مکافاتلار تقدیم اولونوب.