مدنیت و توریزم ناظرینین معاوینی عدالت ولیئوین رهبرلیگی ایله نماینده هئیتی ایراندا آذربایجان مدنیت گونلرینین کئچیریلمه‌سینه دایر دانیشیقلارین آپاریلماسی، همچینین تدبیرلرین کئچیریلجیی مکانلارا باخیش کئچیریلمه‌سی مقصدیله ایراندا سفرده‌دیر.

مدنیت و توریزم ناظیرلییندن آخار. آذ-آ وئریله‌ن معلوماتا گؤره، نماینده هئیتی تهراندا یئرلشن "وحدت" کنسرت سالنو، ایرانین اینجه صنعت آکادمییاسی و میلی کیتابخانادا اولوبلار. مدنیت اوبیکتلرینین رهبرلری طرفیندن مکانلارین تکنیکی ایمکانلاری و عمومی فعالیتی باره‌ده معلومات وئریلیب.

دانیشیقلار زامانی ولیئو طرفیندن همین موسسه‌لر ایله آذربایجاندا یئرلشن مدنیت موسسه‌لری آراسیندا امکداشلیغین قورولماسینین واجیب‌لیگی وورغولانیب، فیکیر مبادیله‌سی آپاریلیب. بو مکانلارین مدنیت گونلرینین آچیللش مراسیمی، همچینین مدنیت گونلری چرچیوه‌سین‌ده کئچیریلمه‌سی نظرده توتولان آذربایجانین مدنیتی و توریزم ایمکانلارینی عکس ائتدیره‌جک سرگی، کیتاب و فوتو-سرگی، ایرانین آپاریجی توریزم شیرکتلری ایله گؤروش و اؤلکه‌میزین توریزم پوتنسیالینا دایر تقدیمات، آذربایجان کینماتوگرافینین ایستئحصالی اولان فیلملرینین بیر هفته عرضینده نوماییشی و تئاتر تاماشاسینین گؤستریلمه‌سی ایلکین اولاراق قرارا آلینیب.

همین گون ناظر معاوینی ایله ایرانین ایسلامی مدنیت و علاقه‌لر تشکیلاتینین صدری بوذر ایبراهیمی، اینجه صنعت آکادمییاسینین رکتورو عالییه معلم و دیگر رهبر شخصلر آراسیندا گؤروش کئچیریلیب.

گؤروشده اؤلکه‌لریمیز آراسیندا مدنیت ساحه‌سینده علاقه‌لرین مؤوجود وضعیتی و امکداشلیغین گله‌جک پرسپکتیولری مذاکیره ائدیلیب.

گؤروشلر اصفهان و تبریز شهرلرینده داوام ائتدیریله‌جک.