آکتریسا جمیله تاغی‌زاده یئنی یارادیجیلیق ایشلریندن دانیشیب.

موساوات. کوم سایتینا آچیقلاما وئره‌ن آکتریسا بیلدیریب کی، یئنی سریال‌دا رول آلاجاق:

«یئنی فیلم و سریال تکلیفی آلمیشام. «باراما» آدلی سریال‌دیر، مشهور سیمالار رول آلاجاق. همیده عمرووا، نورالدین مهدیخان‌لی، آسیا آتاکیشیئوا، آقشین فاتح و باشقالاری ایله کامرا قارشی‌سینا کئچه‌جه‌یم.

فیلم باره‌ده ایسه آچیقلاما وئرمه‌یه ایجازه وئرمیرلر. مای آییندا چکیلیشلره ایستارت وئریله‌جک. او زامان اکران ایشی حاقدا گئنیش آچیقلاما وئره‌جه‌یم».

جمیله آکتریسالیق‌دان الده ائتدیی گلیردن ده بحث ائدیب:

«تأسف کی، آکتریسالیق‌دان لازیم اولان قدر گلیر الده ائده بیلمیرم. یالاندان دئیه بیلمره‌م کی، ۴۰-۵۰ مین قازانیرام. بو ساحه‌ده هئچ کیم بؤیوک مبلغلر قازانمیر. آذربایجان کینوسوندان میلیونلار قازانماق اولمور».

آکتری‌سا باشقا پشه ساحه‌سینه منصوب شخصلرین آکتریسالیق ائتمه‌سینه ده مناسیبت بیلدیریب: «منیم آکتریسالیق تحصیلیم وار. اما بو ساحه‌یه باشقا پئشه‌دن گلنلره ده نورمال باخیرام. ایستعداد اولماسی واجیب‌دیر. ایستعدادی اولمادان کینو ساحه‌سینه گلنلری ایسه قیناییرام. کیمینسه پولو، کیمینسه دای-دایی، کیمین‌سه یاخشی رژیسور دوستلاری وار. او سببه آکتریسالیق ائد‌نلره مناسیبتیم بیرمعنالی دئییل. چونکی او زامان ایستعدادی و تحصیلی اولان گنجلر کناردا قالیر. دونیا پراکتیکاسیندا دا وار کی، تحصیلسیز، اما ایستعدادلی شخصلری کینویا جلب ائدیرلر. ایستعدادسیز بیرینین ایسه ایستئدادلینین یئرینی توتماسی قبول ائدیلمزدیر».