آنا صحیفه کولت |
بوکمئکئرلر بو گون اوکراینانین پایتاختی کیئوده کئچیریلهجک «آوروویزییا-۲۰۱۷» ماهنی موسابیقهسینین فینال مرحلهسینده قلبهیه ان رئال نامیزد اولان اؤلکهلرین آدلارینی آچیقلاییبلار.
ویرتوالاز. اورگ خبر وئریر کی، بوکمئکئرلرین احتیمالینا گؤره، لیدئرلیک پورتوقالییا تمثیلچیسی سالوادور سوبرالا مخصوصدور.
ایکینجی یئره ایتالییالی فرانچئسکو قاببانی، اوچونجو یئره ایسه بولقاریستان تمثیلچیسی کریستیان کوستوو نامیزددیر.
بئلچیکا، ایسوئچ، خورواتییا، بؤیوک بریتانییا، رومینییا، دانیمارکا، فرانسا تمثیلچیلری ده ۲۶ اؤلکه آراسیندا ایلک اونلوقدا یئر آلیبلار.
بوکمئکئرلرین احتیمالینا گؤره، آذربایجان نامیزد اؤلکهلر آراسیندا ۱۵-جی یئردهدیر. قالیب اولما شانسی ان آشاغی اولان اؤلکهلر ایسه کیپر و ایسپانییادیر.
قئید ائدک کی، آذربایجان تمثیلچیسی دیانا هاجییئوا (دیهاژ) "سکئلئتونس" ماهنیسی ایله ۱۲-جی نؤمره آلتیندا چیخیش ائدجک. عمومیلیکده، بوگونکو فینالدا ۲۶ اؤلکهنین تمثیلچیسی سهنهیه چیخاجاق.
فینال باکی واختی ایله ساعت ۲۳:۰۰-دا باشلایاجاق. قالیب تاماشاچیلارین و مونسیفلر هئیتینین وئردیی خاللار اساسیندا معین ائدیلهجک.
قئید ائدک کی، اؤتنیلکی موسابیقهنین قالیبی "۱۹۴۴" آدلی ماهنی ایله اوکراینا تمثیلچیسی جامالا (ژامالا) اولوب.
تاریخ
2017.05.13 / 17:22
|
مولف
Axar.az
|